Home ახალი ამბები მსოფლიო მილიარდერები მდიდრდებიან, სიღარიბე და შიმშილი კი მატულობს

მილიარდერები მდიდრდებიან, სიღარიბე და შიმშილი კი მატულობს

126

ეკონომიკური ქმედებების შეზღუდვის გამო 270 მლნ ადამიანი შიმშილით სიკვდილის ზღვარზეა.

ბოლო “პანდემიური” 12 თვის განმავლობაში შიმშილით გარდაცვლილი ადამიანების რაოდენობამ 6-ჯერ მოიმატა, _ იუწყება სიღარიბესთან ბრძოლის საერთაშორისო ორგანიზაცია Oxfam-ი. ამჟამად 155 მლნ ადამიანს არ მიუწვდება ხელი საკვებზე (ეს რაოდენობა 20 მლნ-ით მეტია, ვიდრე 2020 წელს იყო).

Oxfam-ის მონაცემებით, ბოლო 12 თვის განმავლობაში შიმშილით გარდაცვლილთა რაოდენობა გაცილებით მეტია კოვიდ-19-ით გარდაცვლილთა რაოდენობაზე.

გაეროს მსოფლიო სასურსათო პროგრამის ხელმძღვანელმა დევიდ ბისლიმ (აშშ) ჯერ კიდევ შარშან განაცხადა, რომ შიმშილით სიკვდილის ზღვარზე მყოფი ადამიანების რაოდენობამ 270 მლნ-ს მიაღწია. “მომდევნო წელს მსოფლიოში შეიძლება დაიწყოს უპრეცედენტო მასშტაბის ჰუმანიტარული კატასტროფა, _ განაცხადა ბასლიმ გაეროს გენერალურ ასამბლეაზე. _ ჩვენ ვერ შევძლებთ ყველას დახმარებას, ამიტომ უნდა განვსაზღვროთ პრიორიტეტები. შიმშილი ათეულობით ქვეყნის კარზე აკაკუნებს”.

მსოფლიოში კვების პროდუქტებზე ფასები სწრაფად მატულობს. “ქვეყნები, რომლებშიც ადამიანები სრულფასოვნად ვერ იკვებებიან, _ ამბობს ები მაკსმანი, _ Oxfam America-ს პრეზიდენტი და აღმსრულებელი დირექტორი, _ არის ავღანეთი, ეთიოპია, სამხრეთი სუდანი, სირია და იემენი. პრობლემები შეექმნათ, აგრეთვე, ინდოეთს, სამხრეთ აფრიკასა და ბრაზილიას”.

ამ სკანდალურ ფონზე აღსანიშნავია კიდევ ორი მაჩვენებელი:

1. 2020 წელს მსოფლიოს ყველა ქვეყანაში მოიმატა სამხედრო ხარჯებმა და მან 1,93 ტრილიონი დოლარი შეადგინა;

2. 10 ყველაზე მდიდარი ადამიანის ქონებამ “პანდემურ პერიოდში” 413 მლრდ დოლარით მოიმატა. მათი სიმდიდრის ნამატი წელიწადში მოშიმშილეთა დასახმარებლად განკუთვნილ ჰუმანიტარულ დახმარებაზე 11-ჯერ მეტია.

fondsk.ruზე გამოქვეყნებული მასალის მიხედვით მოამზადა გიორგი გაჩეჩილაძემ

LEAVE A REPLY

Please enter your comment!
Please enter your name here