Home ახალი ამბები საქართველო საქართველოში ყველაზე მეტი თანხა რუსეთიდან იგზავნება

საქართველოში ყველაზე მეტი თანხა რუსეთიდან იგზავნება

1049
ფული

ყველაზე მეტ ფულს რუსეთიდან, იტალიიდან და საბერძნეთიდან რიცხავენ.

ეროვნული ბანკის მონაცემებით, საქართველოში ფულადი გზავნილების მოცულობის მიხედვით, პირველ ადგილზეა რუსეთი _ 2018 წლის იანვარში რუსეთიდან დაახლოებით 31 მლნ დოლარი გადმოირიცხა, რაც გასული წლის იანვრის მონაცემებს 17%-ით აღემატება;

მეორე ადგილზეა იტალია _ ამ ქვეყნიდან საქართველოში გადმორიცხულია დაახლოებით 14 მლნ დოლარი, რაც 2017 წლის იმავე პერიოდთან შედარებით 43%-ით მეტია.

შემდეგ მოდის საბერძნეთი _ დაახლოებით 12,4 მლნ დოლარით (33,4%), ისრაელი _ დაახლოებით 12 მლნ დოლარით (84%), აშშ _ დაახლოებით 11 მლნ დოლარით (13,3%), თურქეთი _ დაახლოებით 9 მლნ დოლარით (41,3%).

ქართულ კომერციულ ბანკებში ელექტრონული სისტემებით განხორციელებული ფულადი გზავნილების მოცულობა 2017 წელს 2016 წელთან შედარებით 20%-ით გაიზარდა და დაახლოებით 1,4 მლრდ დოლარი შეადგინა.

საქართველოდან უცხოეთში 2018 წლის იანვარში გადარიცხულია დაახლოებით 15 მლნ დოლარი, რაც გასული წლის იანვრის მონაცემებთან შედარებით 12,3%-ით მეტია.

2017 წელს საქართველოდან უცხოეთში სულ გადაირიცხა დაახლოებით 193 მლნ დოლარი, რაც 2016 წლის ანალოგიურ პერიოდთან შედარებით 8,2%-ით მეტია.

2018 წლის იანვარში 2017 წლის ანალოგიურ პერიოდთან შედარებით ქართულ კომერციულ ბანკებში ელექტრონული სისტემებით განხორციელებული ფულადი გზავნილების მოცულობა 31,1%-ით გაიზარდა და 110 მლნ დოლარზე მეტი შეადგინა.

LEAVE A REPLY

Please enter your comment!
Please enter your name here