რუსეთის თავდაცვის ეროვნული ცენტრის უფროსმა მიხეილ მიზინცევმა განაცხადა, რომ უკრაინის შეიარაღებულმა ძალებმა და “ბოევიკებმა” ვერტმფრენებისა და არტილერიის გამოყენებით მარცვლეული კულტურების ველების გადაწვა დაიწყეს ზაპოროჟიეს, ნიკოლაევის, ხარკოვისა და ხერსონის ოლქებში. ამის შესახებ წერს გამოცემა vz.ru.
“ზაპოროჟიეს, ნიკოლაევის, ხარკოვისა და ხერსონის ოლქებში უკრაინის შეიარაღებული ძალების სამხედრო მოსამსახურეები ნაციონალისტური ბატალიონების “ბოევიკებთან” ერთად ვერტმფრენებისა და არტილერიის გამოყენებით მიზანმიმართულად უჩენენ ხანძარს მარცვლეულ კულტურებს”, _ განაცხადა მიზინცევმა და დასძინა, რომ ნეონაცისტებმა არტილერია განალაგეს ბახმუტის რაიონის სოფელ კალინოვკის მარცვლეულის საცავის ტერიტორიაზე და რეგულარულად ბომბავენ რუსეთის ტერიტორიას. ამით ისინი საპასუხო ცეცხლის პროვოცირებას ცდილობენ.
გიორგი გაჩეჩილაძე
