რუსეთის პრეზიდენტ ვლადიმერ პუტინთან პირდაპირი კონტაქტები მნიშვნელოვანია, _ განაცხადა გერმანიის კანცლერმა ოლაფ შოლცმა შვედურ გაზეთ Dagens Nyheter–ისთვის მოცემულ ინტერვიუში, _ წერს ria.ru.
“როგორი რთულიც უნდა იყოს ეს, უშუალო კონტაქტი მნიშვნელოვანია, განსაკუთრებით კრიზისის პერიოდში. მინდა, რომ ჩვენი გზავნილები პირდაპირ მივიდეს რუსეთის პრეზიდენტამდე”, _ განმარტა შოლცმა. მისი თქმით, სურს, უკრაინაში სპეცოპერაციის შესახებ დასავლეთის პოზიციის მიტანა რუსეთის ლიდერამდე. ამასთანავე, კანცლერმა დასძინა, რომ “უახლოეს მომავალში” ვერ ხედავს მოსკოვთან ურთიერთობის ნორმალიზების შესაძლებლობას.
ლუკა მაისურაძე
