თემირლან მაჩალიკაშვილის მამა მალხაზ მაჩალიკაშვილი სუსის მაღალჩინოსნის სოსო გოგაშვილის განცხადებას ეხმაურება. მაჩალიკაშვილის თქმით, „ეს არის დასაწყისი. რომელსაც ექნება გაგრძელება და თემირლანის საქმე აუცილებლად მივა ბოლომდე“.
მას მიაჩნია, რომ გოგაშვილმა მთავარი სასჯელი უნდა მოიხადოს სწორედ თემირლანის საქმეზე და არა რაიმე შეთითხნილი მსუბუქი ან ნაკლებად მძიმე დანაშაულის ბრალდებით.
აღნიშნული განცხადება მალხაზ მაჩალიკაშვილმა ზვიად კუპრავას გადასცა, რადგან თავად სოციალური ქსელი დაბლოკილი აქვს.
ცნობისთვის, გვიან ღამით სოსო გოგაშვილი დააკავეს. ამ დროისთვის მეტი დეტალი უცნობია.
