იტალიის რამდენიმე ქალაქის მაცხოვრებლები ერთდროულად გამოვიდნენ ქუჩებში, რათა გამოეხატათ უთანხმოება მოქმედი ხელისუფლების პოლიტიკასთან დაქავშირებით.
აქციის მონაწილეები ანტირუსული სანქციების გაუქმებას და უკრაინისთვის იარაღისა და სამხედრო ტექნიკის მიწოდების შეწყვეტას მოითხოვდნენ. გარდა ამისა, მოქალაქეებმა მოითხოვეს იტალიის მწვავე სოციალურ-ეკონომიკური პრობლემების გადაჭრა, რომელიც დაკავშირებულია ელექტროენერგიისა და სურსათის ფასების მკვეთრ ზრდასთან.
ყველაზე მასშტაბური აქცია რომის ცენტრში, სანტი აპოსტოლის მოედანზე გაიმართა, რომელიც „სუვერენული და სახალხო იტალიის“ პოლიტიკური გაერთიანების მიერ იყო ორგანიზებული. დემონსტრანტებმა მსვლელობა გამართეს ლოზუნგით „არა ომს, არა სანქციებს, კი მშვიდობას და შრომას“.
„დღეს ჩვენ შევიკრიბეთ აქ იტალიელთა ინტერესების დასაცავად. იმიტომ, რომ იტალიელი ხალხის ინტერესებშია ნამდვილი სამშვიდობო მოლაპარაკებების დაწყება“, – განმარტა ანტონიო ინგროიამ, „სუვერენული და სახალხო იტალიის“ ერთ-ერთმა ლიდერმა.
მსგავსი აქცია გაიმართა ვენეციაში, „ვენეტო-რუსეთის ასოციაციის“ მხარდაჭერით. ღონისძიების დროს რამდენიმე ასეულმა ადამიანმა მოაწერა ხელი პეტიციას მოსკოვის წინააღმდეგ სანქციების დაუყოვნებლივ გაუქმების შესახებ. “ვენეტო-რუსეთის” ხელმძღვანელის პალმარინო ზოკატელის თქმით, ის და მისი მომხრეები ნატო-დან იტალიის გასვლისა და სამხედრო მომარაგებაზე უარის თქმის მომხრეები არიან.
იგივე მოსაზრებას იზიარებს ტერორიზმის მსხვერპლთა საერთაშორისო ასოციაციის ხელმძღვანელი, მარკო ფალველა, უკრაინის იარაღით მომარაგების საწინააღმდეგოდ გამართული აქციის ერთ-ერთი ორგანიზატორი.
„იარაღი და ფული – აი, ეს არის ტკივილის, ტანჯვის, შიმშილის მიზეზი. იარაღი და ფული ერთად არავის მოუტანს სიკეთეს, მათ შორის იტალიას“, – ხაზგასმით აღნიშნა მან და დასძინა, რომ იტალიელმა პოლიტიკოსებმა უნდა დაისვენონ მილიტარისტული ინიციატივებისგან და ყურადღება გაამახვილონ თავიანთი ხალხის საჭიროებებზე.
ერთი დღით ადრე, ჟურნალისტმა მატეო მილანეზიმ მოიყვანა გამოკითხვის შედეგები, რომლის მიხედვითაც იტალიელების 60%-ს მიაჩნია, რომ უკრაინა რუსეთთან მოლაპარაკების მაგიდასთან უნდა დაჯდეს. და მხოლოდ 27% უჭერს მხარს კიევისთვის სამხედრო დახმარების გაგრძელებას. მისი ვარაუდით, ენერგეტიკულმა პრობლემებმა ხელი შეუწყო იტალიელთა განწყობის კარდინალურ ცვლილებებს.
მანამდე, 8 ოქტომბერს, მარკო ტრავაგლიომ, იტალიური გაზეთის Il Fatto Quotidiano-ს მთავარმა რედაქტორმა, უკრაინის პრეზიდენტი ვოლოდიმირ ზელენსკი შეადარა ფრანკენშტეინს, რომელიც „გამოვიდა მისი შემქმნელების კონტროლიდან“, რაც ბევრ პრობლემას უქმნის ევროკავშირს. ტრავალიოს თქმით, ზელენსკის უნდა აჩვენონ ერთადერთი სწორი გზა – „სამშვიდობო მოლაპარაკებები და არა ბირთვული ჰოლოკოსტი“.
3 ოქტომბერს გავრცელდა ინფორმაცია, რომ მთელ იტალიაში საპროტესტო აქციები მიმდინარეობს ელექტროენერგიის და გაზის ტარიფის მკვეთრი ზრდის წინააღმდეგ. ზოგიერთ ქალაქში იტალიელები ელექტროენერგიის გადასახადებს წვავენ – ამით ისინი ეწინააღმდეგებიან მთავრობის მიერ 1 ოქტომბრიდან გამოცხადებულ ელექტროენერგიის ტარიფის 60%-ით გაზრდას. დემონსტრანტები ადანაშაულებენ ევროკავშირს იმაში, რომ ის არ ეწევა რეალურ ძალისხმევას სპეკულაციასთან საბრძოლველად, რამაც გამოიწვია გაზისა და ელექტროენერგიის ფასების ზრდა.
დასავლეთის ქვეყნები სამხედრო აღჭურვილობას და იარაღს უგზავნიან კიევს, ასევე ფინანსურ დახმარებას უწევენ დონბასის დასაცავად სპეცოპერაციის ფონზე, რომლის დაწყებაც რუსეთის ლიდერმა ვლადიმერ პუტინმა 24 თებერვალს გამოაცხადა რეგიონში ესკალაციის ფონზე.
