ვაშინგტონი მოუწოდებს OPEC+-ის ქვეყნებს, არ შეამცირონ ნედლი ნავთობის მოპოვება, განუცხადა CNN-ს თეთრი სახლის ანონიმურმა წყარომ და აღნიშნა, რომ იქ „პანიკური“ განწყობაა.
ეს არის უკვე მეორე მსოფლიო მედიასაშუალება, რომელიც ავრცელებს ინფორმაციას აშშ-ის ადმინისტრაციის მცდელობებზე გავლენა მოახდინოს OPEC+-ზე (საერთაშორისო ალიანსი, რომელიც შედგება ნავთობის ბაზრის მთავარი მოთამაშეებისგან).
თეთრი სახლის ენერგეტიკული, ეკონომიკური და საერთაშორისო სფეროების მაღალი რანგის წარმომადგენლები არწმუნებენ ახლო აღმოსავლეთის ქვეყნებს (ქუვეითს, საუდის არაბეთს და არაბთა გაერთიანებულ საემიროებს) ხმა მისცენ ნავთობის მოპოვების შემცირების წინააღმდეგ.
ბაიდენის ადმინისტრაციამ უკვე განაცხადა, რომ შემცირება გამოიწვევს “სრულ კატასტროფას”.
„მნიშვნელოვანია, რომ ყველამ გაიგოს, რამდენად მაღალია ფსონები ახლა“, – CNN ციტირებს ფარული ინფორმატორის სიტყვებს. წყარომ ასევე განაცხადა, რომ თეთრი სახლი “პანიკაშია”.
შეგახსენებთ, რომ OPEC +-ის შემდეგი შეხვედრა 5 ოქტომბერს ვენაში გაიმართება. ქვეყნებს, რომლებიც ყიდიან ნავთობს, სურთ ნავთობის წარმოების შემცირება მინიმუმ 1-2 მილიონი ბარელით დღეში.
