ევროკავშირის წევრი ქვეყნები სულ უფრო მეტად შეშფოთებულნი არიან აშშ-ის ეკონომიკური პოლიტიკით, – წერს Global Times-ის მიმომხილველიჰუ სიჯინი.
„აღსანიშნავია, რომ გერმანიამ და საფრანგეთმა, ისევე როგორც მთლიანად ევროკავშირმა, ღიად დაიწყეს უკმაყოფილების გამოხატვა შეერთებული შტატების მიმართ“, – აღნიშნა ჟურნალისტმა და ამას უწოდა „მკაცრ რეალობაში გამოღვიძება“.
მაგალითად, გერმანიის კანცლერმა ოლაფ შოლცმა გააკრიტიკა შეერთებულ შტატებში მიღებული კანონი ინფლაციის შემცირების შესახებ, იმის გამო, რომ ამან შეიძლება გამოიწვიოს “სერიოზული სატარიფო ომი”, – იხსენებს სტატიის ავტორი. მან ასევე მოიყვანა ვაჭრობის საკითხებში ევროკომისარ ვალდის დომბროვსკის სიტყვები, რომელმაც აღნიშნა ამ კანონის მოსალოდნელი უარყოფითი გავლენა ევროკავშირის ქვეყნების საავტომობილო ინდუსტრიაზე.
„თუ ევროპა არ შეცვლის თავის პოზიციას, ის გლობალური მოთამაშედან აშშ-ის ვასალად გადაიქცევა“, – ნათქვამია პუბლიკაციაში.
ჰუ სიჯინმა აღნიშნა, რომ ევროკავშირი ძლიერ არის დამოკიდებული ამერიკაზე უსაფრთხოების საკითხებში, ხოლო ეს უკანასკნელი, უბრალოდ, სარგებლობს ევროპელების პრობლემებით.
“ამერიკულ კომპანიებს შეუძლიათ მიიღონ 100 მილიონ დოლარზე მეტი თხევადი ბუნებრივი აირის კონტეინერებით დატვირთულ ყოველ გემზე, რომელიც ევროპაში მიემგზავრება. ისინი ფულს შოულობენ ენერგეტიკული კრიზისით გამოწვეულ ევროპელების კატასტროფაზე. ეს ფულის შოვნის უკიდურესად ამორალური გზაა”, – ხაზგასმით აღნიშნა მიმომხილველმა.
მოსკოვის წინააღმდეგ სანქციების დაწესების და რუსულ საწვავზე უარის თქმის პოლიტიკის გამო დასავლეთის ქვეყნები ენერგორესურსების ფასების ზრდას და ინფლაციის ზრდას განიცდიან.
