მსუბუქძრავიანი თვითმფრინავი, რომლის ბორტზეც სულ ცოტა 5 ადამიანი იმყოფებოდა, ავსტრალიის ქალაქ მელბურნის ერთ–ერთი სავაჭრო ცენტრის შენობას დაეცა. კატასტროფის შედეგად 5 ადამიანი დაიღუპა.
სააგენტო AP-ს ცნობით, თვითმფრინავი ჩარტერულ რეისს ასრულებდა.
შემთხვევის ადგილზე გადაღებულ კადრებში ჩანს, რომ ავიაკატასტროფის შედეგად სავაჭრო ცენტრის შენობას ცეცხლი გაუჩნდა.
„ადამიანები ბოლო 30 წლის განმავლობაში ავსტრალიაში მომხდარ ყველაზე საშინელ ავიაკატასტროფაში დაიღუპნენ“, – განაცხადა ვიკტორიის შტატის პრემიერმა დენიელ ენდრიუსმა.
ადგილზე მუშაობენ სამაშველო სამსახურები. შტატის პოლიციის ცნობით, კატასტროფამდე რამდენიმე წუთით ადრე პილოტმა ძრავების გათიშვის შესახებ გაგზავნა განგაშის სიგნალი.
