დედებს, რომლებსაც მუცლადღებულ ყრმათა მოწყვეტის დანაშაული აწუხებთ, გაუჩნდათ სურვილი, სინანულის გამოსახატავად ააგონ ტაძარი ყოვლადწმიდა სამების სახელზე. ამის შესახებ ინფორმაციას საქართველოს საპატრიარქო ავრცელებს.
ამ მიზნით საქართველოს საპატრიარქოში ტაძრის მაშენებელთა სამუშაო ჯგუფი შეიკრიბა. როგორც საპატრიარქოს ინფორმაციაშია აღნიშნული, ისინი დალოცა სრულიად საქართველოს კათოლიკოს-პატრიარქმა და დაწყებული საქმის წარმატებით განხორციელება უსურვა. ეკლესია ხუდადოვის ტყის მიმდებარე ტერიტორიაზე აიგება.