ყოფილი “თავისუფალი დემოკრატები” მხარდაჭერას “ქართულ ოცნებას” უცხადებენ. ერთობლივ პრესკონფერენციაზე დავით ონოფრიშვილმა, ზურაბ აბაშიძემ და გია ცაგარეიშვილმა თავიანთ ამომრჩეველს მოუწოდს, მეორე ტურში მხარი დაუჭირონ “ქართული ოცნების” კანდიდატებს.
“ალტერნატივა არ არსებობს და ჩემს მხარდამჭერებს, თანამოაზრეებს მოგიწოდებთ, მხარი დაუჭიროთ “ქართული ოცნების” კანდიდატებს, რადგან ჩემთვის მიუღებელია, რა მიზეზითაც ან რა საფუძველზე შეიძლება მხარი არ დაეჭიროს “ქართულ ოცნებას”, როდესაც ჩვენ, ყველამ ერთად, 2012 წელს მივიღეთ ის გადაწყვეტილება, რომ “ნაციონალური მოძრაობა” სამუდამოდ უნდა წასულიყო ოპოზიციაში და შეიძლება, პოლიტიკიდანაც,” _ განაცხადა დავით ონოფრიშვილმა. არსებული პროგნოზები იმაზე მალე გამართლდა, ვიდრე მოსალოდნელი იყო. ირაკლი ალასანიას პარტია დაიშალა და, როგორც ჩანს, მის ნამსხვრევებს ისევ “ქართული ოცნება” “შეიხვეტავს”.