“ნაციონალური მოძრაობის” ერთ–ერთი ლიდერის _ გივი თარგამაძის მანქანის აფეთქების საქმეზე შსს–მ 1976 წელს დაბადებული ბ.ჩ. დააკავა. კიდევ ერთ პირს, 1974 წელს დაბდებულ დ.ხ.-ს, ბრალი დაუსწრებლად წარედგინა.
გივი თარგამაძე მისი მანქანის აფეთქების საქმის გამოძიებას უნდობლობას უცხადებს. მისი თქმით, ის ინფორმაცია, რომელიც შსს-მ გაავრცელა, არაფრისმომცემია და საქმის გახსნასთან ახლოსაც კი არ დგას. დეპუტატის თქმით, ის არც დაკავებულს და არც ქვეყნიდან წასულ ბრალდებულს არ იცნობს. მისივე განცხადებით, არჩევნების შემდეგ საქმის გამოძიებამ ინტერესი დაკარგა, ვინაიდან, როგორც თარგამაძემ აღნიშნა, ყველა მოქმედება დაკავშირებული იყო წინასაარჩევნო პერიოდთან. დეპუტატის ამბობს, რომ საქმის გამოძიება ადეკვატური მუხლით არ მიმდინარეობს, რაც, შესაბამისად, დღის წესრიგში აყენებს გამოძიებისადმი უნდობლობის საკითხს.
