ევროპის უსაფრთხოებისა და თანამშრომლობის ორგანიზაციის (ეუთო) სპეციალური სადამკვირვებლო მისიის წარმომადგენლებმა დონბასთან ახლოს, დაპირისპირებული მხარეების შეხების ხაზზე “ქართული ლეგიონის” ჯარისკაცების არსებობის შესახებ განაცხადეს.
“ეუთოს მიის დამკვირვებლებმა 20 სექტემბერს ფრონტის ხაზიდან 3 კმ-ით დაშორებულ სოფელ ტროიცკიში, რომელსაც უკრაინის ხელისუფლება აკონტროლებს, უკრაინის შეიარაღებული ძალების წარმომადგენელთა შორის ნახეს 2 ჯარისკაცი, რომლებსაც ჰქონდათ ამოსაცნობი ნიშნები _ “ქართული ლეგიონი,” _ განაცხადა ეუთოს მისიის პრესსამსახურის წარმომადგენელმა და დასძინა, რომ “ ჯარისკაცები ერთმანეთში ქართულად საუბრობდნენ. ხოლო ადგილობრივების განცხადებით, მათ სოფელში, რამდენიმე მოსახლის სახლში ქართული წარმოშობის ჯარისკაცები ცხოვრობენ”.
ეუთოს სპეციალური სადამკვირვებლო მისია დონბასში 2014 წლის მარტიდან მუშაობს. დამკვირვებელთა ძირითადი ამოცანა ვითარების გაკონტროლება და კონფლიქტში ჩართულ მხარეებს შორის დიალოგის გამართვაა.
ria.ru
