დასავლური მედიის ცნობით, პარიზის ახლოს მდებარე დასახლებულ პუნქტ მანიანვილში დანით შეიარაღებული მამაკაცი შეძახილით „ალაჰ აქბარ!“ პოლიციის ოფიცერს მის სახლთან დაესხა თავს და მოკლა, შემდეგ კი მისი მეუღლე და 3 წლის ბავშვი მძევლად აიყვანა.
როდესაც ადგილზე მისულმა სამართალდამცველებმა მოლაპარაკებები დაიწყეს, თავდამსხმელმა განაცხადა, რომ ტერორისტული დაჯგუფება „ისლამური სახელმწიფოს“ წევრია. სახლის შტურმისას სამართალდამცველებმა თავდამსხმელი მოკლეს. დაიღუპა პოლიციელის მეუღლეც.
