არასამთავრობო სექტორი თუ მეხუთე კოლონა?

ჯერ კიდევ ოპოზიციონერი სააკაშვილის მთავარი მოკავშირეები ე. წ. ასო–ები იყვნენ საქართველოს ახალგაზრდა იურისტთა ასოციაცია (საია) და ე.წ. კმარა, რომლებმაც შევარდნაძის დამხობაში დიდი როლი ითამაშეს, მაგრამ ეს, როგორც აღმოჩნდა, მხოლოდ პროგრამა–მინიმუმი იყო. მაქსიმუმისთვის კი მხოლოდ “კმარა” და საია აშკარად არ კმაროდა. ამიტომ სააკაშვილის მმართველობისას, როგორც ნაწვიმარზე სოკოები, ისე “ამოთესლდნენ” ასო–ები და იმდენი, რომ მათი ზუსტი რაოდენობა ძნელი დასადგენია. 

ჰოდა, შეუდგნენ კიდეც პროგრამა მაქსიმუმის შესრულებას, ერთი მხრივ, სააკაშვილის ფაშისტური რეჟიმი და, მეორე მხრივ, ფაშიზმის “გამპრავებელი” ასო-ები:

გააუქმეს ეროვნული კუთვნილების გრაფა დაბადების მოწმობებსა თუ პასპორტებში; მოსპეს ათწლეულებში გამოცდილი განათლების, თუნდაც საბჭოური (დიახ, თუნდაც, რადგან, მიუხედავად საბჭოურობისა, არა მხოლოდ ზოგად განათლებას ვიღებდით იმჟამინდელ საშუალო სკოლებში, არამედ, რაც უმთავრესია, სამშობლოს პატრიოტებად გვზრდიდნენ მასწავლებლები, აღარაფერს ვიტყვი უმაღლეს სასწავლებლებზე, რომლებშიც მართლაც ფუნდამენტურ განათლებას ვიღებდით) სისტემა და სანაცვლოდ უნარ–ჩვევები შემოგვაჩეჩეს; გაანადგურეს ეროვნული სამეცნიერო სკოლა, რომელიც მოწინავე იყო საბჭოეთში და ე.ი. მსოფლიოშიც.

და მთავარი _ სააკაშვილის რეჟიმმა ჩვენი შვილების, სულ ცოტა, ორი თაობა წაგვართვა, ანუ ისინი, ვინც 2003 წელს 10-12 წლისანი იყვნენ და დღეს ყმაწვილები არიან. მათი დიდი ნაწილი სრულიად დაცლილია პატრიოტიზმის, ეროვნულობის, რელიგიურობის განცდისგან, რადგან მიშას ბუჩქებში მიღეს “განათლება”.

ამას დავუმატოთ 7 ნოემბერი თუ 26 მაისი, 2008 წლის სამხედრო ავანტიურა და შედეგად ცხინვალ-სოხუმის დე ფაქტოსთან ერთად, დე იურე დაკარგვაც, პლუს ახალგორი და კოდორი, 300 ათასზე მეტი მოქალაქის ციხეებში გამომწყვდევა, ათასობით ქართველის გაუპატიურება, ათობით ახალგაზრდის ქუჩაში დახვრეტა… კიდევ რომელი დანაშაული გავიხსენოთ სააკაშვილის რეჟიმის 9-წლიანი მონაგარიდან, რომლებზეც სიტყვა არ დასცდენიათ კაპიტან ეკა გიგაურსა და ეფრეიტორ ნინო ლომჯარიას ან საიას, ახლა “კაბელების საქმის” გამო ნიფხვიდან რომ ხტებიან?..

ლომჯარია–გიგაურები დღესაც ყოფილი ხელისუფლების მოკავშირეები არიან, უფრო მეტიც _ ნაცების ხელისუფლების სარესტავრაციოდ იღვწიან შინ თუ გარეთ. ეს უვიცები ყველაფერზე აკეთებენ კომენტარს და რეკომენდაციებსაც არ იშურებენ: ხშირად მოისმენთ, _ პრემიერმა თუ პრეზიდენტმა კონსულტაციები გამართა ან უნდა გამართოს ასოებთანო. რას ჰგავს ეს, ვინ არიან ეს დასავლეთის გრანტებით აღზევებული უბიოგრაფიო არარაობები?

ან ისინი ვინ ბრძანდებიან, ვინც კონსულტატიებს გადის ასოებთან? _ პრემიერი კვირიკაშვილი იქნება, პრეზიდენტი მარგველაშვილი თუ პარლამენტის სპიკერი უსუფაშვილი, ყველანი ერთად თუ ცალ-ცალკე, ბიძინა ივანიშვილის მიერ აღზევებული არარაობები.

ამას წინათ ამ ვაჟბატონებს ასოებმა ერთობლივად მიმართეს მოთხოვნა-რეკომენდაციით, რომ აიკრძალოს რუსული არხების მაუწყებლობა, რადგან მათ გამო თურმე პრორუსული განწყობა მატულობს საქართველოში.

ნეტავ, რომელ დემოკრატიაში “ჯდება” ასოების მიმართვა, ჩრდილოეთ კორეის დემოკრატიაში ხომ არა?

აღსანიშნავია, რომ, სანამ ხსენებული უმაღლესი პოლიტიკური თანამდებობის პირები ასოთა “რეკომენდაციას” გაითვალისწინებდნენ, მათ მოთხოვნას უკვე გამოეხმაურა ამ ბიზნესის მონოპოლისტი საკაბელო ტელევიზია “სილქნეტი” და 1 ივნისიდან წყვეტს “რაშა თუდეი”-სა და “როსია 24”-ის მაუწყებლობას საქართველოში.

რა არის ეს? დემოკრატიის დროშით საით მიგვაქანებენ ასოები, დემოტრაკიისკენ ხომ არა? 21-ე საუკუნეში კაპიტანმა გიგაურმა და ეფრეიტორმა ლომჯარიამ, ამ პოლიტიკურმა კურტიზანებმა, უნდა დამიდგინონ, რას ვუყურო და რას არა?

ან რომელ რუსულ ტელეპროპაგანდაზეა საუბარი, იმ არხების გადაცემებზე ხომ არა, რომელთა ცქერის ფუფუნება, დიდი-დიდი, მოსახლეობის 1/3 ჰქონდეს, ხოლო სრულიად საქართველო უყურებს “რუსთავი 2”-ს, “იმედს”, “იბერიას”, საზმაუწყებელს, “მაესტროს”, ანუ ე. წ. ნაციონალურ არხებს, რომლებიც დღედაღამ რუსეთის ლანძღვით არიან დაკავებულნი?!

და თუ მაინც რუსული არხების “ტყუილებისა” უფრო სჯერა საქართველოს, ვიდრე “რუსთავი 2”-ის “სიმართლისა”, იქნებ სხვაგან გვეძებნა პრორუსული განწყობების მატების მიზეზები? როგორც ამბობენ, კვამლი უცეცხლოდ არ არსებობს და იქნებ სულაც არ არის უსაფუძვლო პრორუსული განწყობების მატება?

ამ საფუძველს წლების განმავლობაში დასავლეთით (წაიკითხე, აშშ და ნატო) იმედგაცრუება ხომ არ ჰქვია, ჯერ საკუთარი გამოცდილებით და შემდეგ უკრაინის მაგალითზე?

ამ სიმართლეს ის ხომ არ ჰქვია, დასავლეთის მიერ ჩვენი დედა-ეკლესიის შეურაცხყოფის დაფინასების ფონზე, სოდომური გარყვნილების მეტი რომ არაფერი შემოდის ჩვენში ევროპა-ამერიკიდან და ამ დროს რუსეთი რომ არის ევროპაში ერთადერთი ქვეყანა, რომელშიც კანონით არის აკრძალული გეიპროპაგანდა და ერთნაირსქესიანთა ქორწინებაზე ლაპარაკიც ზედმეტია?

ერთნაირსქესიანთა ქორწინება გასული წლის 26 ივნისს დაკანონდა ამერიკაში და ამ გარყვნილების მსოფლიოს ყველა ქვეყანაში ლეგალიზება საგარეო პოლიტიკის მთავარ პრიორიტეტად დაისახა ჩვენმა სტრატეგიულმა მოკავშირემ.

ერთნაირსქესიანთა ქორწინება საქართველოშიც რომ დაკანონდეს, ამისთვის ჯერ გეიაღლუმი უნდა ჩაატარონ თბილისში, რასაც 2012 წლიდან ცდილობენ, მაგრამ, მიუხედავად ამერიკიდან მიღებული დიდძალი ფულისა, ჩვენმა ასოებმა ოკეანისგაღმელ პატრონებს ოცნება ვერ აუსრულეს.

ანალოგიურის თქმა ე. წ. სახალხო დამცველზეც შეიძლება: უჩა ნანუაშვილი მხოლოდ პედერასტების, იეღოველებისა და სატანისტების უფლებებს რომ იცავს, ნორმალური ორიენტაციის ქართველებს არ გვაქვს უფლება, ჩვენი ეკლესია, რელიგიური მრწამსი დავიცვათ და პასუხი მოვთხოვოთ საპატრიარქოს წამბილწველ პედერასტებს?

ერთი სიტყვით, უპრიანი მგონია, რომ სახალხო დამცველიც ასოთა მეხუთე კოლონას, გნებავთ, საქართველოს დაუძინებელ მტრებს მივაკუთვნოთ…

როგორც კი სოფელ კორცხელში ნაცები გალახეს, დამნაშავეთა დასჯა უმალ მოითხოვეს ასოებმა და უეჭველად ასევე მოიქცევა უჩა ნანუაშვილიც.

ალბათ, თავისუფალი დემოკრატებიც გამოუცხადებენ სოლიდარობას ნაცებს და, თუ ასე მოხდა, ალასანია-ბოკერიას ალიანსი ოფიციალურად გაფორმდება.

დავით მხეიძე