“ქართული ოცნების” დეპუტატი სოსო ჯაჭვლიანი გამოეხმაურა რესპუბლიკური პარტიის მოთხოვნას, თამაზ მეჭიაურის _ პარტიიდან, ხოლო გოგი თოფაძის ფრაქციიდან გარიცხვის თაობაზე.
“გუშინ მოვისმინე ფრაზა “ყველამ თავის მამიდას მოუაროსო” და ისე გავმხიარულდი, ეს რომ მოვისმინე, მეტი რომ არ შეიძლება. მამიდაჩემს ჰქვია ძალიან მაგარი საყვარელი სახელი _ დოლი ჯაჭვლიანი. უპატიოსნესი ქალია, ძალიან მაგარი, ამიტომ ყველამ დაასახელოს თავისი მამიდის სახელები და გვარები, მოუარონ თავიანთ მამიდებს და ნუ ერევიან სხვისი პარტიის საქმეში”, _ განაცხადა სოსო ჯაჭვლიანმა.
“უკეთესი იქნება, ყველამ თავის მამიდას მიხედოს”, _ ასე უპასუხა “მრეწველების” ერთ-ერთმა ლიდერმა ზურაბ ტყემალაძემ რესპუბლიკელი დეპუტატის _ დავით ბერძენიშვილის განცხადებას.
