“ვიკილიქსმა” გამოაქვეყნა ახალი საიდუმლო დოკუმენტები, რომლებშიც წერია, რომ აშშ–ის ნაციონალური უსაფრთხოების სააგენტო უსმენდა და უთვალთვალებდა მსოფლიოს წამყვანი სახელმწიფოების ლიდერებს, მათ შორის, გერმანიის კანცლერ ანგელა მერკელს, ისრაელის პრემიერმინისტრ ბენიამინ ნეთანიაჰუს, იტალიის ყოფილ პრემიერ სილვიო ბერლუსკონის, საფრანგეთის ყოფილ პრეზიდენტ ნიკოლა სარკოზის, აგრეთვე, გაეროს გენერალურ მდივან პან გი მუნს.
30 დეკემბერს გაზეთი Wall Street Journal-ი იუწყებოდა, რომ აშშ-ის ნაციონალური უსაფრთხოების სააგენტო კვლავაც განაგრძობდა მოკავშირე ქვეყნების ლიდერების მიყურადებასა და თვალთვალს, მიუხედავად თეთრი სახლის დაპირებისა, რომ შეწყვეტდა ამ პრაქტიკას. ამას გარდა, ცნობილი შეიქნა, რომ ობამას ადმინისტრაციას აქვს სია იმ სახელმწიფოებისა და ლიდერებისა, რომლებსაც დაზვერვამ არ უნდა უთვალთვალოს.