რომში ათიათასობით იტალიელმა ოჯახის დღე აღნიშნა და გააპროტესტა მთავრობის მიერ დაგეგმილი საკანონმდებლო ცვლილებები ერთნაირსქესიანთა ქორწინების ლეგალიზაციის შესახებ.
ერთნაირსქესიანთა ქორწინების ლეგალიზაციის საკანონმდებლო პროექტი იტალიის პარლამენტს გასულ კვირას წარედგინა და მას კენჭი თებერვალში უნდა ეყაროს.
პარლამენტარების ნაწილს იმედი აქვს, რომ ქვეყანაში ერთნაირსქესიანთა ქორწინების პროექტს ხმები არ ეყოფა და, შესაბამისად, არ დაკანონდება. გეიოჯახების წინააღმდეგია რომის კათოლიკური ეკლესიაც. გასულ კვირას რომის პაპმა განაცხადა, რომ ტრადიციული ოჯახი ის ოჯახია, როგორიც ღმერთს სურდა.
