კიევის ყოფილი მერის, ბიზნესმენ ლეონიდ ჩერნოვეცკის ფონდმა „სოციალური პარტნიორობა“ მედიის წარმომადგენლებისთვის ღონისძიება ჩაატარა. ჩერნოვეცკიმ დაადასტურა, რომ საქართველოში პოლიტიკურ პარტიას სახელწოდებით „ბედნიერი საქართველოსთვის“ ქმნის და 2016 წლის საპარლამენტო არჩევნებში მონაწილეობას მიიღებს.
ლეონიდ ჩერნოვეცკი ამბობს, ქვეყნის საგარეო კურსი ევროპული უნდა იყოს და არა ამერიკული და რუსული.
„რუსეთთან დაპირისპირებით, საქართველო ოკუპირებული ტერიტორიების დაბრუნებას ვერ შეძლებს, საქართველოში ცხოვრების ისეთი დონე უნდა შეიქმნას, რომ აფხაზებსა და ოსებს საქართველოს შემადგენლობაში მოუნდეთ ყოფნა“, _ განაცხადა ჩერნოვეცკიმ.
