ეკონომიკის ექსპერტი დემურ გიორხელიძე ქვეყანაში მიმდინარე მოვლენებს სოციალურ ქსელში გამოეხმაურა. როგორც გიორხელიძე წერს, საქართველოში დემოკრატიას, სიტყვის თავისუფლებას და ა.შ. არაფერი ემუქრება.
“ისე, ჩვენში დარჩეს და… დასავლური ქვეყნების ელჩები (გვარებს არ დავასახელებ, ცნობილი ქართული ფრაზის მსგავსად!) ასეთ სისულელეებს როდემდე უნდა ლაპარაკობდნენ და გაუგონარ უპატივცემულობას როდემდე უნდა იჩენდნენ საქართველოს მიმართ?! სადისტებს, მწვალებლებს, დამნაშავეებს მფარველობდით და მფარველობთ და… ამას პრიმიტიული “დემოკრატიული ფასეულობების”, “სიტყვის თავისუფლების” და “სასამართლოს დამოუკიდებლობის” დეკლარაციით ნიღბავთ. ამ დროს კი… სასამართლოს გადაწყვეტილებებს აკრიტიკებთ! თქვენ, საერთოდ, ერთ უჯრედზე მეტი გაქვთ? საქართველოში არანაირი საფრთხე დემოკრატიას, სიტყვის თავისუფლებას და ა.შ. არ ემუქრება… ყველაფერ ამას საფრთხე რომ დაემუქროს, საქართველო ღრმა იზოლაციაში უნდა წავიდეს, რაც, პრაქტიკულად, გამორიცხულია და შეუძლებელიც! ამიტომ მოზომეთ სათქმელი და იქამდე ნუ მიიყვანთ საქმეს, დასავლეთის ხსენებაზე ხალხს ღებინებას აწყებინებდეს… თქვენი უაზრო მხარდაჭერით დასავლეთის სახელი ისედაც უდიდესად დააზიანეთ და ახლა სულ ნუ გადაამლაშებთ!.. აზრზე არა ხართ ქართველის ბუნებაზე და ქართულ კულტურაზე (ამ სიტყვის ფართო გაგებით), აზრზე რომ იყოთ, ასეთ უაზრო პოზიციას არ დაიკავებდით… თქვენი ამ დონის შეცდომების სათავე პრიმიტივიზმია, პრიმიტივიზმი აზროვნებაში, პრიმიტივიზმი პილიტიკურ სიმპათიაში, პრიმიტივიზმი სიტყვაში და პრიმიტივიზმი საქმეში! რა გინდათ, აზრზე თუ ხართ?! რაციონალურად რომ ფიქრობდეთ, ადამიანებს, რომლებიც არ წარმოადგენენ იმ ძალას, რომელიც შეიძლება ავტორიტეტით სარგებლობდეს საქართველოში, მხარდაჭერას აღმოუჩენდა გონიერი ადამიანი?! ესაა დასავლური პოლიტიკური პრაგმატიზმი? აფრიკული განუვითარებელი ქვეყანა და საქართველო ვერ გაგირჩევიათ ერთმანეთისგან და თავი მოგაქვთ მენტორებად და ჭკუის მასწავლებლებად… ბოლო ოცი წელია, წესიერად და საქმიანად რომ დაგვხმარებოდით, დღეს ეს სახელმწიფო შეუდარებლად მაღალ საფეხურზე იქნებოდა… ამის ნაცვლად, ყალბი მხარდაჭერები ამჯობინეთ და… შეცდით! დღესაც ცდებით!” _ წერს გიორხელიძე.
