გადამწყვეტი შეტევა საქართველოს მართლმადიდებელ ეკლესიაზე

ეს ყველაფერი ხელისუფლებაში “ნაცბანდის” მოსვლისთანავე დაიწყო, როდესაც “ნაცზონდერებმა” “სამასვალით” შეანგრიეს გლდანის ეკლესიის კარიბჭე, მრევლი სასტიკად დაარბიეს და მისი წინამძღვარი მამა ბასილი “მამა სოროსისა” და მისი “მრევლის”, იეღოველთა სექტის, საამებლად დააპატიმრეს.

შემდეგ რაც მოხდა, შესაძლოა, ქრონოლოგიურად და, თანაც, ყველაფერი ვერ გავიხსენო, მაგრამ, რაც გამახსენდება, მინდა, მკითხველსაც შევახსენო:

* სააკაშვილსა და საქართველოს კათოლიკოს–პატრიარქს შორის გარეგნულად თბილი ურთიერთობების ფონზე, სააკაშვილის სატრაპების არაერთგზის შეჭრა საკურთხეველში;

* პატრიარქის ეპისტოლეების პრევენციული რევიზიები, რათა იქიდან ან საერთოდ გამქრალიყო “ნაცბანდის” ნეოლიბერალური იდეოლოგიისთვის მიუღებელი პასაჟები, ან მათი “კორექტირებული” ვარიანტები დარჩენილიყო;

* სინოდზე ზემოქმედება. იქ შეგზავნილი თუ “დავერბოვკებული” აგენტების მეშვეობით, მიუხედავად საზოგადოების მასობრივი პროტესტისა, სინოდს ისეთი კანონი მიაღებინეს (ზუსტად აღარ მახსოვს, რა ერქვა), რომელსაც უწმინდესმა საქართველოს დამღუპველი უწოდა;

* 2009 წლის 26 მაისს ჩვენი “ფარჩაკი” ოპოზიციის მიერ “ერთი სტადიონი” ხალხის საპატრიარქოსთან მირეკვა, როდესაც საკურთხეველში ბლოკირებულ პატრიარქს, როგორც ამბობენ, გიგი უგულავა მაგიდაზე მუშტებს უბრახუნებდა;

ისე, ამ ყველაფერს, ყოველგვარი “ამბობენ”-ის გარეშე, სწორედ გიგი უგულავა და მისი სატრაპი, ამჟამად საქართველოდან გაქცეული სოსო თოფურიძე რომ ხელმძღვანელობდნენ, ყველამ იცის.

არც ის არის საიდუმლო, რომ ე.წ. გამოხატვის თავისუფლების დროშა ბუდარიხა თეა თუთბერიძემ ააფრიალა მართლმადიდებელი ეკლესიისა და პირადად მისი უწმინდესობის შეურაცხყოფის მიზნით და, როდესაც ეს სიბინძურე თავისუფლების ინსტიტუტში გამოჩეკილ გველის წიწილ თეა თუთბერიძეს ხახვივით შერჩა, მისი დროშის ქვეშ სხვა ბუდარა–ბუდარიხებიც დაირაზმნენ ნინია კაკაბაძის, ირაკლი ვაჭარაძის, ბექა მინდიაშვილისა და სხვა ხლისტების სახით, რომლებმაც არაერთხელ შეურაცხყვეს საქართველოს სულიერი მამა და ჩვენი დედაეკლესია.

* ბუდარიხა თუთბერიძემ ისიც კი გაბედა, რომ სოციალურ ქსელში გვერდი შექმნა სახელწოდებით “მე მიყვარს ჩემი გეიპატრიარქი”.

ამის მომთმენ და ჩამყლაპავ ქართველებს ხალხი და, მით უმეტეს, ერი გვქვია?

და ყველაზე მთავარი _ ენ-დი-აის მიერ ამასწინანდელი კვლევების მიხედვით გამოცხადებული დასავლეთისთვის საგანგაშო შედეგი:

გამოკითხულთა 31%-ს ევრაზიულ კავშირში რეალური შესვლა (წაიკითხე რუსეთთან სტრატეგიული მოკავშირეობა) ურჩევნია ეფემერულ ნატოსა თუ ევროკავშირის კარზე მრავალწლიან ამაოდ კაკუნს, რამაც სოხუმ–ცხინვალი, კოდორი, ახალგორი, სამუდამოდ თუ არა, ძალიან დიდი ხნით დაგვაკარგვინა.

ეს არის შედეგი დასავლეთის (წაიკითხე აშშ) ფლიდი და უკვე შეურაცხმყოფელი პოლიტიკისა საქართველოს მიმართ, როდესაც ნატოს ერთი სამიტიდან მეორემდე წლების განმავლობაში უნამუსოდ გვატყუებდნენ _ აი, დღეს ვერა, მაგრამ ხვალ, როდინობის კვირის შვიდშაბათს მიგიღებთო.

ანტიამერიკული განწყობის აშკარა მატება (რაც, სავარაუდოდ, იმავე ენ–დი–აის მიერ გამოქვეყნებულ 31%-ზე გაცილებით მეტია) საქართველოს დედაეკლესიის “ბრალიც” არის, რადგან ჩვენი ტვინგაყინული თუ სულგაყიდული პოლიტიკოსების მიერ ნატოზე შეთხზული ზღაპრების საპირისპიროდ მხოლოდ საქართველოს მართლმადიდებელი ეკლესია და მისი საჭეთმპყრობელი პატრიარქი ქადაგებს სიმართლეს.

ჩვენი ბრძენი პატრიარქი და მისი მრავალრიცხოვანი მრევლი, ანუ საქართველოს მოსახლეობის (და არა მხოლოდ მართლმადიდებლების) დიდი უმრავლესობა საქართველოს ფიზიკური და, რაც მთავარია, მენტალურ-ზნეობრივი გადარჩენის ერთადერთ გზას ერთმორწმუნე რუსეთის ეკლესიასთან ევქარისტიულ კავშირსა და რუსეთის სახელმწიფოსთან სტრატეგიულ მოკავშირეობაში ხედავს და არა _ პედერასტების მექად ქცეულ ამერიკასთან, რომელმაც საქართველოსა და, საერთოდ, ყველა კულტურული ერებისთვის დამღუპველი, ანტიდისკრიმინაციული კანონი ერთხმად მიაღებინა ჩვენს ცვედან პარლამენტს.

გავიხსენოთ ჩვენი პატრიარქის ქმედებები:

* 2008 წელს მისმა ავტორიტეტმა რუსეთის გენერალიტეტთანაც კი გაჭრა და სააკაშვილის ხუშტურებს ზვარაკად შეწირული ბიჭების ხრწნადაწყებული გვამების გადმოსვენება შეძლო;

* იმავე 2008 წლის შემოდგომაზე, როდესაც რუსების ტანკები ჯერ კიდევ პერევში იდგნენ, მისი უწმინდესობა მოსკოვში ჩავიდა რუსეთის პატრიარქის ალექსი II დაკრძალვაზე, სადაც შეხვდა რუსეთის იმჟამინდელ პრეზიდენტ მედვედევს და პერევიდან ჯარი გააყვანინა, მაგრამ სააკაშვილის ენაჭარტალობის გამო რუსი სამხედროები უკანვე შემობრუნდნენ;

* საქართველოს პატრიარქი რუსეთის ნათლობის 1000 წლის იუბილეზე იმოფებოდა მოსკოვში, კიევსა და მინსკში, საიდანაც საინტერესო გზავნილები ჩამოიტანა რუსეთის პრეზიდენტისგან _ რუსებსა და ქართველებს შორის საუბარი ყველა თემაზე (წაიკითხე _ სოხუმ–ცხინვალზე) შეიძლებაო.

რა მიიღო და რას იღებს ჩვენი პატრიარქი და, საზოგადოდ, საქართველოს მართლმადიდებელი ეკლესია ქვეყანაზე ზრუნვის სანაცვლოდ?

პატრიარქი _ მხოლოდ ზემოხსენებულ შეურაცხყოფას, საქართველოს ეკლესია _ ზოგიერთი უზნეო სასულიერო პირის (რომლებიც, როგორც უკვე ვთქვით, დიდი ალბათობით, შეგზავნილ-დავერბოვკებულები არიან) “მხილებით” _ დისკრედიტაციას!

ამიტომ მოხვდა საქართველო აშშ-ის სახელმწიფო დეპარტამენტის ყოველწლიურ ანგარიშში, რომელიც სახელმწიფო მდივანმა, მისტერ ჯონ კერიმ გაახმიანა. იმ უამრავი სისულელიდან, რომლებიც ჩვენ გვეხება, მხოლოდ ერთს მოვიყვან:

“კანონი და პოლიტიკა პრივილეგიებს ანიჭებს მართლმადიდებლობას და, აგრეთვე, სამღვდელოების ნაწილს შეაქვს წვლილი რელიგიურ უმცირესობათა მიმართ მტრული დამოკიდებულების გაღვივებაში”.

აი, ასე, როგორც იტყვიან, წერტილი და მძიმე, უაპელაციო სიბრიყვე ან, რაც უფრო სავარაუდოა, მიზანმიმართული ტყუილი:

რომელ პრივილეგიებზეა ლაპარაკი, როდესაც სახელმწიფოსა და საქართველოს სამოციქულო ავტოკეფალურ მართლმადიდებელ ეკლესიას შორის ურთიერთობა, ეკლესიის სამართლებრივი სტატუსი კონსტიტუციური ნორმით, ე.წ. კონკორდატით არის გარანტირებული?

ეგეც რომ არ იყოს, ღვთისმშობლის წილხვედრ, ქრისტეს კვართის მფლობელ საქართველოში რატომ არ უნდა იყოს მართლმადიდებლობა (რომელმაც გადაარჩინა და დღემდე მოიყვანა საქართველო) პრივილეგიურ მდგომარეობაში?

რაც შეეხება სახდეპის ანგარიშში შესულ ინციდენტს (როგორც რელიგიურ უმცირესობათა მიმართ მტრული დამოკიდებულების მაგალითს), როდესაც მუსლიმთა მედრესეზე ღორის თავი მიაჭედეს, ეს სამარცხვინო საქციელი გარკვეული ძალების მიერ ინსპირირებული პროვოკაცია იყო. მართლმადიდებელ ქართველს ასეთი რამ მაშინაც კი არ ჩაუდენია, როდესაც საქართველოში, სურვილის შემთხვევაში, მუსლიმთა გაჟლეტა დაუსჯელად შეეძლო, დიდი ქართველი მეფე დავით აღმაშენებელი კი არა მხოლოდ მუსლიმთა მრავალსაუკუნიანი ბატონობისგან გათავისუფლებული თბილისის მეჩეთებს სტუმრობდა, არამედ დედაქალაქის იმ უბანში, სადაც მაჰმადიანები სახლობდნენ, ქართველებს ღორების დაკვლა აუკრძალა.

აი, ასეთ ერს გვიკითხავს ტოლერანტობაზე ლექციებს ის მისტერ კერი, რომელიც მსოფლიოს ლგბტზაციით დაემუქრა.

სიტყვამ მოიტანა და, პარლამენტის მიერ ერთხმად მიღებული ანტიდისკრიმინაციული კანონის მიუხედავად, ამ კანონის აპოლოგეტი რესპუბლიკელები და მათი ამერიკელი პატრონები ვერა და ვერ ეღირსნენ 17 მაისს თბილისში გეიაღლუმის ჩატარებას და ვერც ეღირსებიან, სანამ საქართველოში მართლმადიდებლობაა “პრივილეგიური” და სანამ თუნდაც ერთი “ტაბურეტკა” იშოვება. აღარაფერს ვიტყვი იმაზე, რომ ჩვენმა მოხუცმა პატრიარქმა სწორედ 17 მაისი დაგვითქვა ოჯახური სიწმინდის (წაიკითხე _ ლგბტ-ის საწინააღმდეგო) დღედ.

ენ–დი–აიმ ახლახან კიდევ ერთი “საინტერესო” კვლევის შედეგები გამოაქვეყნა, რომლის ძალითაც, ხვალ რომ არჩევნები ჩატარდეს, “ნაციონალური მოძრაობა” ხმების 13%-ს მოიპოვებს, “ქართული ოცნება” _11 %-ს, ალასანიას პარტია და პატრიოტთა ალიანსი 4-4 %-ს, ნათელაშვილის ლეიბორისტული პარტია _ 3%-ს…

საბედნიეროდ, ქართველებმა ვისწავლეთ, ამ ავადსახსენებელი ენ-დი-აის კვლევების კითხვა როგორ უნდა, და ვიცით, რომ, რადგან ევრაზიის მომხრეებად 31% დაასახელა, ეს რიცხვი გაცილებით მეტია.

რაც შეეხება იმას, რომ “ნაცმოძრაობა” “ქართულ ოცნებას” უგებს, მიუხედავად იმისა, რომ “ოცნების” რეიტინგი მართლა საგანგაშოდ დაბალია, მისი რეიტინგის კლება, არა მგონია, “ნაცბანდის” რეიტინგის მატებას ნიშნავდეს.

ანუ, ნორმალური არჩევნების პირობებში, “ნაცებ–ქოცებმა” ისევე კოაბიტაციურად უნდა “აახვიონ” ხელისუფლებიდან, როგორი კოაბიტაციითაც დღემდე სიამტკბილობენ პარლამენტსა თუ აღმასრულებელ ხელისუფლებაში.

ისე კი, ენ-დი-აის ბოლო “ობიექტური” კვლევა ამერიკელებისთვის სასურველის რეალობად წარმოჩენის მცდელობას ჰგავს.

წინააღმდეგობის მოძრაობის მიერ ბრიუსელში გასაჯაროებული ციხის კადრების მნიშვნელობაზე არა ერთხელ ითქვა, რასაც იმას დავამატებ, რომ ბიძინა ივანიშვილს სწორედ “პრივილეგიური” მართლმადიდებელი ეკლესია ამოუდგა მხარში _ სასულიერო პირები, რამდენიმე მიშარასტის გარდა, მეუფეებით დაწყებული, სოფლის პატარა სამლოცველოს მღვდლებით დამთავრებული, პირდაპირ ამბიონებიდან ქადაგებდნენ “ნაცბანდის” საწინააღმდეგოდ და დაუფარავად მოუწოდებდნენ მრევლს, ხმა მიეცათ “ქართული ოცნებისთვის”. გავიხსენოთ ისიც, რომ ივანიშვილის მიტინგებზე, რომლებიც მან საქართველოს ყველა კუთხეში გამართა, ბევრი იყო ანაფორიანი პირი…

მოკლედ, ეკლესიამ უდიდესი როლი ითამაშა სადისტი “ნაცბანდის” რეჟიმის დამარცხებაში.

დღეს საგარეჯოს არჩევნები ერთგვარი ტესტია _ თუ მოახერხეს და რესპუბლიკელ ბუდარიხასთან დუელში დაამარცხეს ირმა ინაშვილი, მხოლოდ გაყალბებით შეძლებენ ამას და მაშინ, 2016-ში, დიდი ალბათობით, ზემოხსენებულ აბსურდულ პროცენტებსაც დასვამენ.

ამაში ხელს მხოლოდ ეკლესია თუ შეუშლით და, ზემოაღნიშნული მიზეზების გარდა, ამ მიზნითაც არის დაწყებული გადამწყვეტი ბრძოლა საქართველოს მართლმადიდებელი ეკლესიის წინააღმდეგ.

ამავე საქმეს ემსახურება 8 “დაჩაგრული” რელიგიური ორგანიზაციის მიერ საკონსტიტუციო სასამართლოში შეტანილი სარჩელიც, სასამართლოში, რომლის თავმჯდომარეც “ნაცბანდის” ერთგულია დღემდე…

თავიდათავი მიზეზი საქართველოს მართლმადიდებელ ეკლესიასთან ბრძოლისა არის ის, რომ სამი პოსტულატიდან _ მამული, ენა, სარწმუნოება, რომლებიც სამების სახით გვიანდერძა დიდმა ილიამ, მხოლოდ სარწმუნოება შეგვრჩა, რადგან მამული დამცრობილია (დახედეთ რუკას), ენა _ წარყვნილი (ჩართეთ რადიო-ტელევიზია) და ერთადერთი პატრონი და გულშემატკივარი ჩვენი სამშობლოსი ახალი რუის-ურბნისის მომლოდინე, მაგრამ მაინც ქართული მართლმადიდებელ ეკლესია და ჩვენი უწმინდესი პატრიარქია.

დავით მხეიძე