დასავლეთისგან წაქეზებულმა უკრაინელმა ნაციონალისტებმა სისასტიკით წინამორბედებსაც გადააჭარბეს. ასეთი მხეცობა ფაშისტ ბანდერასაც კი არ ჩაუდენია.
თვითმფრინავებით, ბალისტიკური რაკეტებით, ფოსფორიანი ბომბებით, მძიმე არტილერიითა და ტექნიკით მიწასთან გასწორებული ლუგანსკისა და დონეცკის ოლქების ტერიტორიები; ათასობით დახოცილი მშვიდობიანი მოსახლეობა და ჯარისკაცები; ოდესის პროფკავშირების სახლში გამომწვარი 116 ადამიანი; 117 ათასი ადგილნაცვალი და უკრაინიდან რუსეთში დევნილი 168,7 ათასი პირი (გაეროს მონაცემებით) _ აი, ასეთია უკრაინელი ნაციონალისტების «ნამოღვაწარი», სულ რაღაც, 5 თვეში.
აშშ-ისა და ევროკავშირის მიერ წაქეზებულმა უკრაინელმა ნაციონალისტებმა, რომლებმაც ამა წლის თებერვალში უკრაინის კანონიერად არჩეული პრეზიდენტი დაამხეს, შემდეგ კი იმავე აშშ-ისა და ევროკავშირის წაქეზებით ქვეყნის სამხრეთ-აღმოსავლეთში საკუთარი მოსახლეობის წინააღმდეგ უცხოელი დაქირავებულების დახმარებით სადამსჯელო ოპერაცია (ოფიციალურად _ «ანტიტერორისტული ოპერაცია») წამოიწყეს, სისასტიკით გადააჭარბეს თავიანთ წინამორბედ ფაშისტ წინაპრებს _ სტეპან ბანდერასა და მის თანამებრძოლებს, რომლებიც მეორე მსოფლიო ომის წლებში გაუგონარ მხეცობებს სჩადიოდნენ ადგილობრივი პოლონელი, ებრაელი, რუსი და თვით უკრაინელი მშვიდობიანი მოსახლეობის წინააღმდეგ. ამას ლუგანსკისა და დონეცკის ოლქებში გადაღებული ფოტოებიც მოწმობს.
