საფრანგეთის პრეზიდენტმა მაკრონმა ყველას მოუწოდა, სასწრაფოდ შეიქმნას სურსათით უზრუნველყოფის უსაფრთხოების საერთაშორისო გეგმა, რათა თავიდან აიცილონ შიმშილი, ე.წ. მოწყვლად ქვეყნებში, განსაკუთრებით აფრიკაში. რადგან, მას შემდეგ, რაც რუსეთმა სამხედრო ოპერაცია დაიწყო უკრაინაში, მკვეთრად დაეცა მარცვლეულის ექსპორტი, _ იუწყება ფრანგული რადიო (RFI).
რუსეთი მარცვლეულის უდიდესი ექსპორტიორია მსოფლიოში, უკრაინა ამ მხრივ მეოთხეა. ათეულობით ქვეყანაა დამოკიდებული რუსეთიდან და უკრაინიდან ექსპორტირებულ მარცვლეულზე და საომარი მოქმედებების გამო ხორბლის ექსპორტი ბევრ ქვეყანაში შეიზღუდება.
eadaily.com–ზე გამოქვეყნებული მასალის მიხედვით მოამზადა გიორგი გაჩეჩილაძემ
