სლოვაკურმა კომპანია KLEIN VISION–მა მიიღო საავიაციო უსაფრთხოების პირველი ევროპული სერტიფიკატი მის მიერ შექმნილი მანქანისა და თვითმფრინავის ჰიბრიდისთვის.
როგორც Euronews-ი იუწყება, ორადგილიან ჰიბრიდს, სახელწოდებით AirCar-ს, ამიერიდან უფლება აქვს, იფრინოს ბრატისლავის თავზე. მან უკვე განახორციელა 200-ზე მეტი აფრენა-დაფრენა. ჰიბრიდის ფრენის ხანგრძლივობა 75 საათზე მეტს შეადგენს.
AirCar-ის ფრენის მაქსიმალური სიშორე 500 კმ-ია და მისი შემქმნელები იმედოვნებდნენ, რომ ჰიბრიდი ვერტმფრენების ალტერნატივა იქნება.
Kein Vision-ის კონსტრუქტორები ამჟამად მუშაობენ მფრინავი ავტომობილის შექმნაზე, რომელიც 1000 კმ-ს იფრენს და მისი სიჩქარე საათში 300/კმ იქნება. ამის შემდეგ კი დაიწყება ამ ჰიბრიდის სერიული წარმოება.
russian.rt.com–ზე გამოქვეყნებული მასალის მიხედვით მოამზადა
ლუკა მაისურაძემ
