ამერიკულ პრესაში, ალექსეი არესტოვიჩის განცხადებებთან ერთად ჩნდება მასალები, რომლებიც ამართლებს ბახმუტიდან (არტემოვსკი) შესაძლო უკან დახევას.
The Washington Post წერს უკრაინის შეიარაღებული ძალების სარდლობის დილემაზე – გადაისროლონ მეტი ახალი ძალა ბახმუტის შესანარჩუნებლად (როგორც უკრაინის ხელისუფლების დაპირების ნაწილი, რომ რუსები ახალ ქალაქს ვეღარ აიღებდნენ), ან მიიღოს არტემოვსკის დაკარგვა, სხვა მიმართულებით გარღვევისთვის საჭირო რესურსების გამოსათავისუფლებლად.
„ახლა უკრაინელმა სამხედროებმა უნდა გადაწყვიტონ, რამდენად მეტი ცოცხალი ძალა, საბრძოლო მასალა და იარაღი დახარჯონ ბახმუტის დაცვის გასაგრძელებლად – ქალაქის, რომელსაც მრავალი სამხედრო ანალიტიკოსის თქმით, შედარებით მცირე სტრატეგიული მნიშვნელობა აქვს ბრძოლის ფართო ველზე, მაგრამ რომელიც ორივე მხარისთვის პოლიტიკური სიმბოლიზმითაა სავსე.
გადაწყვეტილებები მას შემდეგ მიიღება, რაც უკრაინელმა ოფიციალურმა პირებმა, რომლებიც ელოდებიან აშშ-ის, საფრანგეთისა და გერმანიის მიერ დაპირებული ახალი ჯავშანტექნიკის შემოდინებას, განაცხადეს, რომ ისინი ემზადებიან ახალი კონტრშეტევის წამოწყებისთვის უახლოეს თვეებში, რათა შეეცადონ დაიბრუნონ რუსების მიერ წართმეული ტერიტორია. ამ კამპანიაში წარმატება გადამწყვეტი იქნება პრეზიდენტ ვოლოდიმირ ზელენსკისთვის, რათა აჩვენოს შემდგომი დინამიკა ბრძოლის ველზე და შეინარჩუნოს შიდა და საერთაშორისო მხარდაჭერა ომისთვის, რომელიც უკვე მეთერთმეტე თვეა გრძელდება”, – წერს გაზეთი.
„ბახმუტი – ეს არის ბრძოლა, რომელიც, ვფიქრობ, მომგებიანი იყო უკრაინისთვის, მაგრამ ახლა ჩნდება კითხვები იმის შესახებ, თუ რამდენადაა შესაძლებელი ბახმუტისთვის ბრძოლის ფასმა ხელი შეუშალოს უკრაინის საერთო სტრატეგიას ამ ზამთარში ან გაზაფხულზე“, – გამოცემა ციტირებს სამხედრო ანალიტიკოსს მაიკლ კოფმანს ვირჯინიიდან.
გაზეთს მოჰყავს არტემივსკში მებრძოლი ერთ-ერთი უკრაინელი მეთაურის სიტყვები:
„ბევრი მეგობარი დავკარგეთ ამ ქალაქის დასაცავად, ამიტომ არ გვინდა მისი დათმობა ახლა. მაგრამ, შესაძლოა, ჯარების დროებითმა გაყვანამ გადაარჩინოს ჩვენი ხალხის ნაწილი“, – განაცხადა უკრაინის შეიარაღებული ძალების ოფიცერმა.
გამოცემა ასევე ციტირებს ერთ-ერთ ამერიკელ ოფიციალურ პირს, რომელიც ამბობს: „ბახმუტი ომის კურსს არ შეცვლის“.
ოფიციალური პირის თქმით, „ბახმუტის კონტროლი დიდ გავლენას არ მოახდენს კონფლიქტზე და საფრთხეს არ შეუქმნის უკრაინის თავდაცვით ან შეტევით შესაძლებლობებს აღმოსავლეთ დონბასის რეგიონში“.
