საქართველოს საზოგადოებრიობის და პედაგოგთა დელეგაცია ორგანიზატორთა მიწვევით სტუმრობდა სომხეთის ქალაქ დილიჟანს, სადაც წარმატებით ჩატარდა სამეცნიერო–პრაქტიკული სემინარი-კონფერენცია რუსულ ენასა და კულტურაზე. სემინარზე შეიკრიბა 150-ზე მეტი მონაწილე სომხეთის ყველა რეგიონიდან.
რესპუბლიკური მასშტაბის ასეთი შეკრების ჩატარება რუსული ენისა და ლიტერატურის სპეციალისტთა მონაწილეობით საქართველოში წარმოუდგენელია, ყოველ შემთხვევაში მანამ, სანამ პოლიტიკური სიტუაცია არ შეიცვლება.
სემინარის მიზანს წარმოადგენდა რუსული ენისა და კულტურის პოპულარიზაცია და პოსტსაბჭოთა სივრცეში რუსული ენის გავრცელების ხელშეწყობა.
სემინარის ორგანიზატორებია „როსსოტრუდნიჩესტვო“ და განათლებისა და განვითარების საერთაშორისო ინსტიტუტი (რუსეთის ფედერაცია).
კონფერენციის მონაწილეებს ქართული დელეგაციის სახელით მიესალმა თემურ ფიფია. ქართულმა დელეგაციამ სემინარის ორგანიზატორებთან შეხვედრისას განიხილა თანამშრომლობის პერსპექტივები.
3 ნოემბერი, 2022 წელი
