შესაძლებელია მოგვიხდეს რთული გადაწყვეტილებების მიღება: განცხადება გააკეთა გენერალმა სუროვიკინმა

სპეცოპერაციის ზონაში ჯარების დაჯგუფების მთავარსარდალმა, გენერალმა სერგეი სუროვიკინმა კომენტარი გააკეთა ფრონტზე არსებულ ვითარებაზე, – იუწყება საინფორმაციო სააგენტო DEITA.RU.

გენერალმა არმაგედონმა, როგორც მას უკვე უწოდეს ჯარში, ვითარებას სპეციალური სამხედრო ოპერაცის ზონაში დაძაბული უწოდა. „უპირველეს ყოვლისა, ეს ეხება კუპიანსკის, კრასნოლიმანსკის და ნიკოლაევ-კრივოი როგის მიმართულებებს“, – თქვა მან. სუროვიკინმა განმარტა, რომ მტერში იგულისხმება კიევის კრიმინალური რეჟიმი, რომელიც უკრაინელებს სიკვდილისკენ უბიძგებს. უკრაინის დანაკარგი ყოველდღიურად ასობით დაიღუპული ადამიანია.

„ჩვენ გვაქვს განსხვავებული სტრატეგია და უმაღლესმა მთავარსარდალმა უკვე ისაუბრა ამაზე. ჩვენ არ ვისწრაფვით წინსვლის მაღალი მაჩვენებლებისკენ, ჩვენ ვუფრთხილდებით თითოეულ ჯარისკაცს, მეთოდურად ვანადგურებთ მომხვდურ მტერს, მინიმუმამდე ვამცირებთ ჩვენს დანაკარგებს და დანაკარგებს მშვიდობიან მოსახლეობაში“, – აღნიშნა მან.

გენერალმა გაამახვილა ყურადღება ხერსონის მიმართულებაზე. მისი განცხადებით თუ ვიმსჯელებთ, უახლოეს მომავალში აქ შესაძლებელია „ყველაზე რთული გადაწყვეტილებების მიღება“. ამიტომ ხელისუფლება მოსახლეობის ევაკუაციას რუსეთის სხვა რეგიონებში ახორციელებს.

„ამ მიმართულებით რთული ვითარება შეიქმნა, მტერი მიზანმიმართულად ურტყამს ხერსონის ინფრასტრუქტურულ ობიექტებსა და საცხოვრებელ კორპუსებს, სოციალურ, ეკონომიკურ და სამრეწველო ინფრასტრუქტურის ობიექტებს. დაზიანდა ანტონოვსკის ხიდი და კახოვსკაიას ჰიდროელექტროსადგურის კაშხალი. შედეგად ქალაქში ძნელდება საკვების მიწოდება, შეინიშნება წყლისა და ელექტროენერგიის მიწოდების გარკვეული პრობლემები, ეს ყველაფერი არა მხოლოდ მნიშვნელოვნად ართულებს მოქალაქეების ცხოვრებას, არამედ პირდაპირ საფრთხეს უქმნის მათ სიცოცხლეს. უკრაინის შეიარაღებული ძალების ნატოს ხელმძღვანელობა დიდი ხანია ითხოვს კიევის რეჟიმისგან შეტევითი ოპერაციების განხორციელებას ხერსონის მიმართულებით, მიუხედავად მსხვერპლისა. ჩვენ გვაქვს მონაცემები კიევის რეჟიმის მიერ ომის აკრძალული მეთოდების შესაძლო გამოყენების შესახებ, კიევის მიერ კახოვკას ჰიდროელექტროსადგურზე მასიური თავდასხმის მომზადების შესახებ, ქალაქზე მასიური დარტყმების განხორციელების შესახებ სამიზნეების განურჩევლად“, – განაცხადა სპეციალური სამხედრო ოპერაციის მეთაურმა.

რუსეთის არმია მოსახლეობის უსაფრთხო გამოსვლას მთავრობის მიერ მომზადებული განსახლების პროგრამით უზრუნველყოფს. შემდგომი ქმედებები დამოკიდებული იქნება სამხედრო-ტაქტიკურ ვითარებაზე.

„ვიმეორებ: ვითარებს უკვე დღეს არის ძალიან რთული. ჩვენ ვიმოქმედებთ შეგნებულად, დროულად, არ გამოვრიცხავ ურთულესი გადაწყვეტილებების მიღებას“, – განაცხადა სუროვიკინმა.