2022 წლის 7 დეკემბერს გაიმართა რუსულ-ქართული ფორუმი „რუსულ-ქართული ურთიერთობები: მათი განვითარების პერსპექტივები“, რომლის ორგანიზატორი იყვნენ რუსეთის ფედერაციის სახელმწიფო სათათბიროს დსთ-ს საქმეთა, ევრაზიული ინტეგრაციისა და თანამემამულეებთან ურთიერთობის კომიტეტი და საქართველოს საზოგადოებრივი ორგანიზაცია „სოლიდარობა მშვიდობისთვის“.
პირველად მრავალი წლის მანძილზე, პარლამენტარები და ქართული საზოგადოების წარმომადგენლები შეიკრიბნენ ღია დიალოგისთვის და იმ საკითხების განხილვისთვის, რომლებიც ჩვენი ქვეყნების მილიონობით მოქალაქეს ეხება!
განიხილეს სავიზო რეჟიმის გაუქმების, პირდაპირი ფრენების აღდგენის, რუსეთსა და საქართველოს შორის ეკონომიკური ურთიერთობების განვითარების საკითხები. მხარეები დარწმუნებულნი არიან, რომ აუცილებელია ორ სახელმწიფოს შორის დიპლომატიური ურთიერთობების აღდგენა. რუსეთსა და საქართველოს შორის მეგობრული კონტაქტები არასოდეს შეწყვეტილა, რასაც მოწმობს კოლოსალური ტურისტული ნაკადი, ორმხრივი ინტერესი, ჩვენს მოქალაქეებს შორის ოჯახური კავშირების დიდი რაოდენობა და მზარდი სავაჭრო ბრუნვა.
ფორუმი სახელმწიფო სათათბიროს დსთ-ს საქმეთა, ევრაზიული ინტეგრაციისა და თანამემამულეებთან ურთიერთობის კომიტეტის თავმჯდომარემ ლეონიდ კალაშნიკოვმა გახსნა. მან ისაუბრა ამ ღონისძიების მნიშვნელობაზე და მონაწილეებს ნაყოფიერი მუშაობა უსურვა.
ფრენების გაუქმება, სავიზო რეჟიმის არსებობა და შეზღუდვები ეკონომიკურ სფეროში საგრძნობლად ართულებენ რიგითი ადამიანების ცხოვრებას. დადგა დრო, დავჯდეთ მოლაპარაკებების მაგიდასთან და განვსაზღვროთ ის ნაბიჯები, რომლებიც ხელს შეუწყობს ძლიერი მეგობრობის აღორძინებას, რომელიც ყოველთვის იყო ჩვენს სახელმწიფოებს შორის. ჩვენ დარწმუნებულნი ვართ, რომ დღევანდელმა დღემ ნამდვილად დაგვაახლოვა ამას.
ფორუმს ესწრებოდნენ პოლიტიკური პარტიების, საზოგადოებრივი ორგანიზაციების რუსი და ქართველი წარმომადგენლები, პოლიტოლოგები და ისტორიკოსები.
რუსეთის მხრიდან მონაწილეობა მიიღეს რუსეთის ფედერაციის სახელმწიფო სათათბიროს დეპუტატებმა ლეონიდ კალაშნიკოვმა, ყაზბეკ ტაისაევმა, არტემ კავინოვმა, ვლადიმერ ისაკოვმა; აგრეთვე რუსეთის ფედერაციის საგარეო საქმეთა სამინისტროს, ტრანსპორტის სამინისტროს, ა.მ. გორჩაკოვის სახალხო დიპლომატიის მხარდაჭერის ფონდის, დსთ-ს ქვეყნების ინსტიტუტის, ადვოკატთა ასოციაცია „თქვენი იურიდიული ადვოკატის“ წარმომადგენლებმა.
ქართული მხრიდან მონაწილეობა მიიღეს საზოგადოებრივი ორგანიზაციების „სოლიდარობა მშვიდობისთვის“, პრიმაკოვის სახელობის ქართულ-რუსული საზოგადოებრივი ცენტრის და „რუსულ-ქართული ბიზნეს ასოციაციის“ წარმომადგენლებმა: დიმიტრი ლორთქიფანიძემ, მერაბ ჭიკაშვილმა, თემურ მაისურაძემ, არჩილ ბუბუტეიშვილმა, ირაკლი უბილავამ, თემურ ფიფიამ, რომან ბოკერიამ, ზაზა ტყებუჩავამ, ვასილ კაპანაძემ, მიხეილ ჟღენტმა, გიორგი ირემაძემ, არჩილ სიხარულიძემ, ჯაბა ჭანკვეტაძემ და ვალერი კვარაცხელიამ.
ფორუმმა გადაწყვიტა მიმართოს სახელმწიფოს მეთაურებს შემდეგი წინადადებებით, რომელთა გადაწყვეტასაც ასე ელოდებიან ჩვენი მოქალაქეები:
1. აღდგეს რუსეთსა და საქართველოს შორის პირდაპირი ავიარეისები;
2. გაუქმდეს სავიზო რეჟიმი რუსეთის ფედერაციაში წამსვლელ საქართველოს მოქალაქეებისთვის.
ღმერთმა დაგლოცოთ!