რუსეთის ლიდერმა ვლადიმერ პუტინმა განაცხადა, რომ რუსეთის ფედერაცია ყველაფერს აკეთებს თანაბარი და განუყოფელი უსაფრთხოების სისტემის ჩამოყალიბებისთვის. ასეთი განცხადება მან ასტანაში, აზიაში ურთიერთქმედების და ნდობის აღდგენის ღონისძიებების კონფერენციის (CICA) სამიტზე გააკეთა.
„რა თქმა უნდა, აზიის სხვა ქვეყნებთან ერთად, ჩვენ ყველაფერს ვაკეთებთ, რომ ჩამოვაყალიბოთ თანაბარი და განუყოფელი უსაფრთხოების სისტემა, დაფუძნებული საერთაშორისო სამართლის საყოველთაოდ აღიარებულ პრინციპებზე და გაეროს წესდებაზე“, – განაცხადა პუტინმა.
გარდა ამისა, სახელმწიფოს მეთაურმა მიუთითა აზიის მთავარ როლზე ახალ მრავალპოლარულ სამყაროში. პუტინის თქმით, რეგიონში ძალაუფლების ახალი ცენტრები ჩნდება.
ვლადიმერ პუტინმა ასევე განაცხადა, რომ რუსული მხარე ითხოვს ყველა ხელოვნური ბარიერის აღმოფხვრას საქონლის მიწოდების ჯაჭვის აღსადგენად. ეს, პრეზიდენტის თქმით, აუცილებელია გლობალური სასურსათო უსაფრთხოების სფეროში პრობლემების გადასაჭრელად.
