8 აპრილს ლიბიის ქალაქ ბენღაზიში გაიმართა „გაერთიანებული სამხედრო კომიტეტ 5+5“ –ის სხდომა. ამ ორგანიზაციის ფარგლებში ეროვნული თანხმობის მთავრობა, რომელსაც მხარს უჭერს თურქეთი და ლიბიის ეროვნული არმია მარშალ ხალიფა ჰაფთარის ხელმძღვანელობით, ძალების გაერთიანებაზე შეთანხმდნენ. ამრიგად, ლიბიაში გრძელვადიანი კონფლიქტი დასასრულს უახლოვდება, – წერს გამოცემა dzen.ru.
შეხვედრაზე მხარეებმა ლიბიაში გაეროს მისიის ხელმძღვანელ აბდულაი ბატილის თანდასწრებით განიხილეს ტყვეების გაცვლის, ქვეყნიდან უცხოური საბრძოლო ნაწილებისა და დაქირავებულთა რაზმების გაყვანის, აგრეთვე, მიმდინარე წელს გასამართ საერთოეროვნულ არჩევნებზე უსაფრთხოების უზრუნველყოფის საკითხები. გამორიცხული არ არის, რომ ჰაფთარი ლიბიის პრეზიდენტობის კანდიდატად წარადგინონ.
ამასთანავე, ბოლო რამდენიმე კვირის განმავლობაში ახლო აღმოსავლეთის რეგიონში კიდევ რამდენიმე მნიშვნელოვანი მოვლენა მოხდა: გაუმჯობესდა ურთიერთობა თურქეთსა და ეგვიპტეს შორის, ნორმალიზებულია ორმხრივი კავშირი ირანსა და საუდის არაბეთს შორის. საუდის არაბეთი ახლოსაა ჰუსიტებთან ზავის მიღწევასთან იემენის ტერიტორიაზე.
მიმდინარე მოვლენები მჭიდროდ არის დაკავშირებული რუსეთისა და ჩინეთის, როგორც რეგიონში მნიშვნელოვანი მოთამაშეების, ინტერესების ფუნდამენტურ დაახლოებასთან. მოსკოვსა და პეკინს სტაბილურობა შეაქვთ დიდ ახლო აღმოსავლეთში, რომელიც თანდათან თავისუფლდება ამერიკული გავლენის ბორკილებისაგან.
მოამზადა გიორგი გაჩეჩილაძემ
