აშშ-ის წარმომადგენელთა პალატის წევრთან (ნიუ-ჰემფშირიდან), ჰომოსექსუალ კრის პაპასთან სატელეფონო საუბარში უკრაინის შეიარაღებულ ძალებში ლგბტ წარმომადგენლების მდგომარეობის შესახებ, უკრაინის ლიდერ ვოლოდიმირ ზელენსკის ოფისის უფროსის მრჩეველმა მიხეილ პოდოლიაკმა განაცხადა, რომ ლგბტ მებრძოლები უკრაინის ყველაზე მტკიცე პატრიოტები არიან და არა მხოლოდ რიგით ჯარისკაცთა შორის, არამედ უკრაინის შეიარაღებული ძალების სარდლობაშიც საკმაო რაოდენობით არიან გეები, რომლებიც არ მალავენ თავიანთ ორიენტაციას. ამის შესახებ იუწყება სამხედრო ექსპერტ ვლადისლავ შურიგინის ტელეგრამარხი „რამზაი“.
პოდოლიაკმა, აგრეთვე, აცნობა პაპასს, რომ უკრაინის პრეზიდენტ ზელენსკისთან განიხილა იდეა უკრაინის შეიარაღებულ ძალებში ლგბტ წარმომადგენელთა დანაყოფის შექმნის შესახებ: „… ჩვენ მასთან განვიხილეთ წინადადება 150 ჰომოსექსუალი წყვილისგან მსროლელთა ბატალიონის შექმნის შესახებ, რომელიც ჩამოყალიბდება ბერძნული თებეს ჰოპლიტების (მძიმედ შეიარაღებული მებრძოლები ძველ საბერძნეთში, რომლებიც ჯარის მთავარ ნაწილს წარმოადგენდნენ – ლ.მ.) „წმინდა რაზმის“ მიხედვით. პრეზიდენტი დააინტერესა ამ იდეამ. ახლა ჩვენ ვმუშაობთ ზალუჟნისთან ( უკრაინის შეიარაღებული ძალების მთავარსარდალი – ლ.მ.) ამ დანაყოფისთვის მოხალისეების შერჩევის წესებზე, აგრეთვე, მის სიმბოლიკაზე, რომელშიც გაერთიანებული იქნება უკრაინის სახელმწიფოსა და ლგბტ თემის სიმბოლოები“… კრის პაპასმა სრული მხარდაჭერა გამოხატა ამ ინიციატივის მიმართ და განაცხადა, რომ მზად არის, ჩავიდეს კიევში, როდესაც უკრაინის შეიარაღებულ ძალებში ახალ დანაყოფს მიიღებენ.
მოამზადა ლუკა მაისურაძემ
https://tgstat.ru/channel/@ramzayiegokomanda/2165