მოლდოვას დედაქალაქში კვლავ საპროტესტო აქციებია – ოპოზიციურმა პარტია „შორ“-მა თავისი მხარდამჭერებისთვის მრავალათასიანი აქცია მოაწყო. პოლიცია დემონსტრანტთა კოლონების მოძრაობას ხელს არ უშლის, რადგან აქცია ხელისუფლებასთანაა შეთანხმებული. კიშინიოვის მთავარ ბულვარზე მოძრაობა გადაკეტილია, – იუწყება TASS-ის კორესპონდენტი მოლდოვის საპროტესტო დედაქალაქში შექმნილი ვითარების შესახებ.
პარტია „შორ“-ის პარლამენტარების თანხლებით მომიტინგეთა ორი კოლონა სამთავრობო რეზიდენციებისკენ მიემართება. გზად ისინი სკანდირებენ “ძირს [მოლდოვის პრეზიდენტი] მაია სანდუ!”, “ჩვენ ხალხი ვართ!” და სხვა მჭევრმეტყველ ლოზუნგებს. აქციის მონაწილეების მოთხოვნები იგივეა: ისინი მოქმედი ხელისუფლების დათხოვნისა და ვადამდელი არჩევნების მომხრენი არიან.
საქმე ისაა, რომ ხელისუფლება, აქციის მონაწილეების თქმით, ვერ უმკლავდება ენერგორესურსებზე და საკვებზე ფასების ზრდას, ვერც რეკორდულ ინფლაციას. ყველა ამ უსიამოვნების შედეგია მოლდოვაში ცხოვრების დონის ვარდნა. გარდა ამისა, მოლდოველები აღშფოთებულნი არიან იმით, რომ ხელისუფლებამ უარი თქვა რუსეთთან მოლაპარაკებაზე ლურჯი საწვავის ხელსაყრელ ფასად მიწოდების თაობაზე. უკმაყოფილებას ემატება ხელისუფლების მხრიდან ზეწოლა ოპოზიციონერებზე: „არა ოპოზიციის პოლიტიკურ დევნას!“ – ისმის ხალხის შეძახილები.
აღსანიშნავია, რომ გაძლიერდა პარლამენტის შენობისა და „პრეზიდენტის სასახლის“ უსაფრთხოება: მათ წინ პოლიციელების ხაზი მოეწყო და აქციის მონაწილეებს გზა გადაუკეტა.
