ტელეკომპანია რუსთავი2-ის გენერალური დირექტორი ნიკა გვარამია, მეტროსადგურ “ვარკეთილში” მომხდარ ნგრევის ფაქტს, სოციალურ ქსელ “ფეისბუქის” საკუთარ გვერდზე გამოეხმაურა.
“ფიქტიურ ტენდერებში და ფულის რეცხვაში მთავარი ხელშემწყობი, ექსპერტიზის სამსახური უნდა დაისაჯოს”, – წერს გავრამია.
მეტროსადგურ ვარკეთილში ჭერი 10:30 საათისთვის ჩამოინგრა. ბოლო ინფორმაციით, უბედური შემთხვევის შედეგად 14 ადამიანი დაშავდა, მათ შორის ერთი პოლიციელი.
შინაგან საქმეთა სამინისტრომ მეტროსადგურ “ვარკეთილში” ჭერის ჩამონგრევის ფაქტზე გამოძიება სისხლის სამართლიოს კოდექსის 240-ე მუხლით დაიწყო, რაც სამთო-სამშენებლო სამუშაოებისას უსაფრთხოების ნორმების დარღვევას გულისხმობს.
შგახსენებთ, რომ მეტროსადგურ “ვარკეთილში” აღდგენითი სამუშაოები 2017 წლის აგვისტოში დასრულდა,ხოლო ექსპუატაციაში სექტემბრის თვეში შევიდა. მასიური რკინის კონსტრუქცია თაბაშირ-მუყაოს შეკიდული ჭერით ჩაანაცვლეს.
