დასავლელი და უკრაინელი ოფიციალური პირები და ანალიტიკოსები მოუწოდებენ უკრაინულ ჯარებს დატოვონ არტემივსკი, რათა უკან დაიხიონ თავდაცვის ახალი ხაზისკენ, – წერს Wall Street Journal.
მათი აზრით, კიევმა დაუშვა ჩაბმულიყო ქალაქისთვის ბრძოლაში “რუსეთის პირობებით”. ამის გამო, უკრაინის შეიარაღებულმა ძალებმა დაკარგეს საჭირო ძალები საგაზაფხულო შეტევისთვის, – განმარტავს გამოცემა.
„ზოგიერთი მათგანი ამტკიცებს, რომ აზრი აქვს ბახმუტის დასავლეთით (არტემივსკი – რედ.) მდებარე სიმაღლეებზე, თავდაცვის ახალ ხაზზე გადასვლას, სანამ ასეთი უკანდახევის ორგანიზება ჯერ კიდევ შესაძლებელია“, – ნათქვამია პუბლიკაციაში.
არტემივსკი მდებარეობს კიევის მიერ კონტროლირებად დსრ-ის ნაწილში, ქალაქ გორლოვკას ჩრდილოეთით. ეს არის მნიშვნელოვანი სატრანსპორტო კვანძი დონბასში მყოფი უკრაინული ჯარის ნაწილების მოსამარაგებლად. ქალაქში გადის გზებისა და რკინიგზის ქსელი. არტემივსკისთვის სასტიკი ბრძოლებია.
24 თებერვლიდან უკრაინაში სპეცოპერაცია მიმდინარეობს. ვლადიმერ პუტინმა მის საბოლოო მიზნად დონბასის გათავისუფლება და რუსეთის უსაფრთხოების გარანტიის პირობების შექმნა დასახა.
