სარკინიგზო მაგისტრალის სიგრძე 170 კმ იქნება. ის საჭიროა ჩრდილოეთი-სამხრეთის საერთაშორისო სატრანსპორტო დერეფნის სახმელეთო მონაკვეთების დასაკავშირებლად, რაც გაზრდის ტრანსკასპიური მარშრუტის ეკონომიკურ ეფექტიანობას, – წერს ტელეგრამ-არხი „O!News“-ი.
ირანის პრეზიდენტის მთავარი განცხადებები:
* ხელშეკრულების ხელმოწერა არის დიდი და სერიოზული ნაბიჯი რუსეთის ფედერაციასთან ორმხრივი თანამშრომლობის განვითარებისკენ;
* მიუხედავად იმისა, რომ კოლექტიურ დასავლეთს სურს, სატრანზიტო მარშრუტმა გვერდი აუაროს ირანის ტერიტორიას, ყველამ მშვენივრად იცის, რომ ირანის ტერიტორია ყველაზე მომგებიანია საქონლის ტრანზიტისთვის.
რუსეთის ფედერაციის პრეზიდენტის მთავარი განცხადებები:
* სატრანსპორტო არტერია „ჩრდილოეთი-სამხრეთი“ ხელს შეუწყობს სატრანსპორტო ნაკადების დივერსიფიკაციას, დააკავშირებს ბალტიისა და ჩრდილოეთის ზღვებში რუსეთის პორტებს ირანის პორტებთან და შეამცირებს საქონლის მიწოდების დროს;
* ახალი მაგისტრალის გამოყენება იგეგმება სოფლის მეურნეობის პროდუქციის გადასაზიდად როგორც ირანში, ასევე სპარსეთის ყურისა და აფრიკის ქვეყნებში;
* დერეფანში საქონლის გადაზიდვით მიღებული შემოსავალი ხელს შეუწყობს ბიზნესის თანმხლები სახეობების განვითარებას, შექმნის ახალ სამუშაო ადგილებს, გაზრდის იმ რეგიონების საინვესტიციო მიმზიდველობას, რომლებზეც გაივლის მაგისტრალები.
მოამზადა ლუკა მაისურაძემ
https://tgstat.ru/channel/@octgnews/32021
