რუსეთის ფედერაციის სახელმწიფო სათათბიროს დეპუტატები ამუშავებენ პროექტს ქვეყნიდან წასული რუსების ქონების ჩამორთმევის მიზნით, რომლებიც თავიანთი ქმედებებით აზიანებენ ქვეყანას, – განუცხადა „რია ნოვოსტის“ წყარომ.
„როგორც ვიცი, ამ საკითხზე კომიტეტებს ოფიციალური მითითებები არ მიუღიათ, თუმცა, ჩემი ინფორმაციით, მსგავს სამუშაოებს დეპუტატები საკუთარი ინიციატივით ახორციელებენ“, – განაცხადა სააგენტოს თანამოსაუბრემ.
მანამდე სახელმწიფო სათათბიროს სპიკერმა ვიაჩესლავ ვოლოდინმა განაცხადა, რომ სისხლის სამართლის კოდექსს უნდა დაემატოს პუნქტი რუსეთში ქონების ჩამორთმევის შესახებ იმ მოქალაქეებთან დაკავშირებით, რომლებიც წავიდნენ, „ღიად უჭერენ მხარს ნაცისტებს“, შეურაცხყოფენ თავიანთ ქვეყანას.
პოლიტიკოსმა ყურადღება გაამახვილა იმ ფაქტზე, რომ ბოლო ხანს “ზოგიერთი ჩვენი თანამოქალაქე მიიჩნევს, რომ შესაძლებელია შეურაცხყოფა მიაყენოს რუსეთს, მის მოსახლეობას, ჯარისკაცებს და ოფიცრებს, ღიად დაუჭიროს მხარი ბოროტმოქმედებს, ნაცისტებს და მკვლელებს”. მისივე თქმით, ასეთი ადამიანები ცდილობენ „კეთილგანწყობის მოპოვებას“ და საზღვარგარეთ კეთილდღეობის შენარჩუნებას.
