უშიშროების ყოფილი მინისტრი ვალერი ხაბურძანია, უკრაინაში დაკავებული ვიცე-პოლკოვნიკის საქმეზე სოციალურ ქსელში სტატუსს აქვეყნებს. როგორც ხაბურძანია წერს, სპექტაკლი იყო, თითქოს უკრაინული მხარე ცერცვაძის გადაცემას რუსეთისთვის აპირებდა.
„რუსთავი 2″- უნიჭო სპექტაკლი ნაძირალა მსახიობების და ნარკომანი რეჟისორის მონაწილეობით. ყველამ ვიცოდით რომ უკრაინა არავის არ გადასცემდა რუსეთს და ამ სპექტაკლში ისინიც მონაწილეობდნენ”,- წერს ხაბურძანია.
კიევის სააპელაციო სასამართლო ვიცე-პოლკოვნიკ გია ცერცვაძის საქმეს მოსამართლე პალენიკი განიხილავს. ცერცვაძის დაცვის მხარე კიევის სასამართლოს გადაწყვეტილებას ასაჩივრებს, რომელმაც ქართველ სპეცრაზმელს აღკვეთის ღონისძიების სახით პატიმრობა შეუფარდა.
