ეკონომიკისა და მდგრადი განვითარების მინისტრის, ვიცეპრემიერ დიმიტრი ქუმსიშვილის განცხადებით, სამოქალაქო ავიაციის სააგენტოში შესულია ირანული ავიაკომპანიის განაცხადი, რომელიც განხილვის პროცესშია.
ქუმსიშვილი იმედოვნებს, რომ, როდესაც ირანული ავიაკომპანია საბუთების წარმოდგენას დაასრულებს, შესაძლებელი იქნება, გაიცეს პირდაპირ ფრენებზე ნებართვა.
“ეს, რა თქმა უნდა, ხელს შეუწყობს იმ ტურისტული ნაკადის შემოსვლას, რომელიც ძალიან გვჭირდება. არის დარჩენილი რამდენიმე საბუთი, რომლებიც ავიაკომპანიას აქვს შემოსატანი და, როგორც კი შემოიტანს, ვფიქრობთ, დაბრკოლება არ იქნება და ძალიან მალე გავცემთ ნებართვას”, _ განაცხადა ქუმსიშვილმა.