“ჭკვიანების დაცინვა სულელების ბუნებრივი პრივილეგიაა – თავისი ჭკუით ვითომ დამამამცირა”

„საქართველოს დემოგრაფიული საზოგადოება XXI”-ის დირექტორი ზვიად ტომარაძე სოციალურ ქსელში ეკა კვესიტაძის დამცინავ საქციელს ეხმაურება და შემდეგი სახის პოსტს აქვეყნებს:

“ეკა კვესიტაძის მდაბიო საქციელი! 
რუსთავი2 –ის გუშინდელ ეთერში სტუმრობის შემდეგ, გადაცემის წამყვანმა და “ჟურნალისტმა” ეკა კვესიტაძემ საკუთარ გვერდზე აი ეს ფოტო დადო და თავისი ჭკუით ვითომ დამამამცირა…
ეკა! თქვენი ამ მდაბიო საქციელით, კიდევ ერთხელ დაანახეთ საზოგადოებას, რომ პიროვნების ღირსების შეურაცხყოფა თქვენი და თქვენი თანამოაზრეებისთვის ჩვეულებრივი ამბავია. ალბათ ასეთი ქცევის მიზეზები თქვენს აღზრდაში უნდა ვეძიოთ! მიუხედავად იმისა, რომ თქვენ და თქვენნაირი “ჟურნალისტები” ლიბერალებად წარმოაჩენთ ხოლმე თავს, არც მაგ ლიბერალიზმის გაეგებათ რაიმე და ჩვეულებრივი მედროვეები ხართ! იმაზე აღარაფერს ვამბობ გადაცემაში ბალანსი მუდმივად დარღვეული რომ გაქვთ და მაყურებელს ყოველთვის მიკერძოებულ მხარედ ევლინებით! ჯერ მხოლოდ იმიტომ ღირდა გუშინდელ გადაცემაში სტუმრობა, რომ თქვენი პროფესიულ–სულიერი მხარეების გამომზეურება მომხდარიყო! 
P. S. „ჭკვიანების დაცინვა სულელების ბუნებრივი პრივილეგიაა“ – გოეთე”, – წერს ტომარაძე