მსოფლიო ბანკის შეფასებით, 2020 წელს საქართველოს ეკონომიკა 6%-ით შემცირდა. ჩვენი ქვეყნისთვის არც 2021 წლის დასაწყისი ყოფილა საიმედო, რადგან ეკონომიკა ფაქტობრივად, ისევ გაჩერებულია, ხოლო მისი აღდგენა ეტაპობრივად 1 თებერვლიდან დაიწყო. შექმნილი გარემოების ფონზე კი საინტერესოა, სხვადასხვა ორგანიზაციების პროგნოზით რა ელის საქართველოს ეკონომიკას.
საქართველოს მთავრობის პროგნოზით, 2021 წელს ეკონომიკა საშუალოდ 4,3%-ით გაიზრდება. სწორედ 4,3%-იანი ზრდაა ჩადებული მიმდინარე წლის ბიუჯეტშიც.
რაც შეეხება საერთაშორისო ორგანიზაციებს, მსოფლიო ბანკის პროგნოზით, წელს საქართველოს ეკონომიკის მხოლოდ 4%-იან ზრდას უნდა ველოდოთ. შედარებით განსხვავებულია სავალუტო ფონდის პროგნოზი, რომელიც ქვეყნის ეკონომიკის 4,3%-იან ზრდას ვარაუდობს.
Bpn.ge
