მოლდოვის ცენტრალურმა საარჩევნო კომისიამ 2 ნოემბერს, ბიულეტენების 100%-ით გაანალიზების შემდეგ, საპრეზიდენტო არჩევნების შედეგები გამოაქვეყნა (არჩევნები 1 ნოემბერს ჩატარდა). პირველ ტურში ლიდერობს მემარჯვენე ევროპული პარტია “მოქმედება და სოლიდარობის” თავმჯდომარე, ექსპრემიერი მაია სანდუ.
მოლდოვის ექსპრემიერმა ხმების 36,16% (487 635) მიიღო. მოქმედმა სახელმწიფო მეთაურმა იგორ დოდონმა, რომელიც მეორედ იყრის კენჭს _ 32,61% (439 866), მესამეა “ჩვენი პარტიის” ლიდერი რენატო უსატი _ 16,9% (227 938).
საარჩევნო კომისიის განცხადებით, დოდონი გამარჯვებას პირველივე ტურში მოიპოვებდა, ხმები მხოლოდ ქვეყნის მასშტაბით რომ დათვლილიყო, დიასპორის ხმების გაუთვალისწინებლად. რესპუბლიკაში იგორ დოდონს 434 427-მა მოქალაქემ დაუჭირა მხარი, მაია სანდუს _ 383 300-მა. თანაც დოდონს მხარი დაუჭირეს ქვეყნის ყველა რაიონში, მაია სანდუს კი _ უცხოეთში მცხოვრებმა მოქალაქეებმა, რომლებმაც ადგილობრივებზე ნაკლებად იციან, რა ხდება ქვეყანაში.
შედეგად, განსხვავება მაია სანდუსა და იგორ დოდონს შორის 3,5 პროცენტს შეადგენს. ასეა _ მოლდოვაში დასავლეთის კანდიდატის გასამარჯვებლად უკვე ახალი მეთოდი აამუშავეს.
მოამზადა ლუკა მაისურაძემ
