ადვოკატი მალხაზ ველიჯანაშვილი არ გამორიცხავს, მეგის ქარდავამ უკრაინაში პოლიტიკური თავშესაფარი მოითხოვოს.
ადვოკატის თქმით, მეგის ქარდავა თავს პოლიტიკურ დევნილად მიიჩნევს და მოთხოვნის ვარაუდი ამას ემყარება. მალხაზ ველიჯანაშვილი უკრაინის სასამართლოსგან ექსტრადირების გადაწყვეტილებას არ ელოდება:
“პოლიტიკურ თავშესაფარს თუ მიიღებს, ინტერპოლის ძებნიდან მოხსნიან. ამ საკითხზე მასთან არასდროს მისაუბრია. კომუნიკაცია არ მაქვს, მაგრამ მისი პოზიცია მაძლევს იმის თქმის საფუძველს, რომ მოითხოვს პოლიტიკურ თავშესაფარს. ექსტრადირება ბევრ პროცედურას მოიცავს, უნდა დრო, მინიმუმ 5-6 თვე”,-განმარტა ადვოკატმა.
ძებნილი მეგის ქარდავა უკრაინელმა სამართალდამცველებმა საქართველოს პროკურატურის შუამდგომლობის საფუძველზე დააკავეს.
