LB.ua –ს მიერ გავრცელებული ინფორმაციის თანახმად, უკრაინის შინაგან საქმეთა მინისტრმა არსენ ავაქოვმა განაცხადა, რომ დასავლეთის სამყარომ ვულგარულად მოატყუა და “გადააგდო” უკრაინა. მან ეს თქვა გორშენინის სახელობის ინსტიტუტის ეროვნულ საექსპერტო ფორუმზე.
“ჩვენი პატივცემული პარტნიორები, მათ შორის ნატოდანაც, უნდა შემოვაბრუნოთ ბუდაპეშტის მემორანდუმისკენ, რომელიც უკრაინას ჰპირდებოდა ტერიტორიულ მთლიანობასა და დამოუკიდებლობას ბირთვული პოტენციალის დათმობის სანაცვლოდ… უკრაინა მოატყუეს. ეს სიმართლეა. ამასთანავე, მადლობელი ვართ დახმარების პროგრამებისთვის, მადლობა სანქციების გამოც. მაგრამ! უკრაინა “გადააგდეს”, _ განაცხადა ავაქოვმა.
უფრო ადრე მან მინსკის მოლაპარაკებებს “მკვდრადშობილი” უწოდა.
