“არ ღირს ევროპაში ქრისტიანობის აღსასრულის ზეიმი, რადგან მან შეიძლება უარესი შედეგი მოგვიტანოს”

რელიგიების ცნობილმა ათეისტმა კრიტიკოსმა რიჩარდ დოუკინსმა სოციალურ ქსელში დაწერა, რომ არ ღირს ევროპაში ქრისტიანობის აღსასრულის ზეიმი, რადგან მან დასავლეთს შეიძლება უარესი შედეგი მოუტანოს.

დოუკინსი უარეს შედეგში ევროპაში ისლამურ იმიგრაციასა და ისლამის სულ უფრო მზარდ გავლენას გულისხმობს.

საინტერესოა, რომ რელიგიების კრიტიკოსმა რიჩარდ დოუკინსმა თვითონ შეიტანა დიდი წვლილი დასავლეთში ქრისტიანობის ავტორიტეტისა და გავლენის დასუსტებაში, მაგრამ ახლა უკვე ისიც აცნობიერებს, რომ, მუსლიმების მზარდი რაოდენობის პირობებში, დასავლეთის დექრისტიანიზაციამ დასავლური საზოგადოება შეიძლება სრულიად დაუცველი დატოვოს ისლამური იდეოლოგიის წინაშე.