შეიარაღებული ძალების თადარიგის პოლკოვნიკ დოდო გუგეშაშვილს და მის შვილს საკუთარ საცხოვრებელ სახლში თავს დაესხნენ. ცეცხლსასროლი იარაღიდან მიყენებული ჭრილობების შედეგად მისი ვაჟი ადგილზე გარდაიცვალა. გუგეშაშვილის ოპერაცია დასრულდა. მისი მდგომარეობა მძიმეა. შემზარავ ფაქტს, საზოგადოების მხრიდან არაერთგვაროვანი გამოხმაურება მოყვა, რასაც “ტაბულას“ დირექტორი თამარ ჩერგოლეიშვილი სოციალურ ქსელში ეხმაურება.
“მნიშვნელობა არ აქვს ვინ ჩაცხრილეს, არც იმას აქვს მნიშვნელობა, რას ვფიქრობთ მასზე, ან რა “ცოდვებს” ვუთვლით.
ცოდვებისთვის არსებობს სასამართლო – ცივილიზებულ ქვეყნებში.
ამ “ბეზპრედელში” ტყვია დღეს თუ “ცოდვილს” მოხვდა, ხვალ “უცოდველს” მოხვდება“, – წერს ჩერგოლეიშვილი.
