მიხეილ გიორგაძის თქმით, კულტურის და ძეგლთა დაცვის სამინისტრო ძველი თბილისის რაიონში, საკადასტრო ერთეულებისათვის მინიჭებული კულტურული მემკვიდრეობის სტატუსის გადახედვას გეგმავს.
ენმ-ის წევრის სერგო რატიანის თქმით, გიორგაძის სახელი საყდრისის საბადოს ნგრევას უკავშირდება. რატიანს აინტერესებს არის თუ არა თანახმა გიორგაძე, ამ საკითხზე პარლამენტში საგამოძიებო კომისია შეიქმნას. “ეს საკითხი ისედაც გადასულია სამართლებრივ სფეროში. კულტურის სამინისტროს წინააღმდეგ სასამართლოში ოთხი სარჩელია შეტანილი. ამ ოთხი სარჩელიდან ერთის განხილვა დასრულდა და ის არ დაკმაყოფილდა. დარჩენილია სამი სარჩელი. საკითხის სამართლებრივი შეფასების პროცესი დაწყებულია. მე ნაბისმიერ ფორმატში მზად ვარ, დასმულ კითხვებს პასუხი გავცე, რაც არაერთხელ გამიკეთებია. საპარლამენტო კომისიის შექმნის მიზანშეწონილობა, პარლამენტის პრეროგატივაა“, – მიმართა კომიტეტის წევრებს მიხეილ გიორგაძემ.
