პრემიერმინისტრ გიორგი კვირიკაშვილის განცხადებით, მთავრობა ეროვნულ ბანკთან ერთად მომხმარებელთა უფლებების დაცვის პაკეტს ამზადებს, რომლის თანახმადაც ონლაინსესხების გაცემა აიკრძალება.
როგორც კვირიკაშვილმა აღნიშნა, ეს მოთხოვნა საზოგადოებისგან მოდის და მთავრობა აღნიშნულ საკითხზე ეროვნულ ბანკთან ერთად მუშაობას იწყებს. “ეს მნიშვნელოვანი მოთხოვნა იყო ჩვენი საზოგადოების მხრიდან. ეს ნაბიჯი გადადგმულია სწრაფი ეკონომიკური განვითრებისთვის”, _ აღნიშნა გიორგი კვირიკაშვილმა. პრემიერის თქმით, იგეგმება სათამაშო ბიზნესის მოსაკრებელის გაზრდაც. გიორგი კვირიკაშვილის განცხადებით, მსგავსი ცვლილებები ბიუჯეტში დამატებითი რესურსების მობილიზებას შეუწყობს ხელს, რომელიც ქვეყნისთვის სასიცოცხლოდ მნიშვნელოვანი ინფრასტრუქტურული პროექტების განხორციელებას მოხმარდება.
