ამერიკელებმა აღიარეს, ყველაზე მეტად ვისი ეშინიათ. ეს, რა თქმა უნდა, პირდაპირი ტექსტით არ უთქვამთ, მაგრამ ყველასათვის გასაგები იყო. და ეს ჭეშმარიტება ამერიკელებს ამცნო აშშ–ის სახმელეთო ჯარების შტაბის უფროსმა მარკ მილიმ.
როდესაც რამდენიმე დღის წინათ გამართულ პრესკონფერენციაზე დაუსვეს კითხვა _ ვინ არის აშშ-ისთვის ნომერი პირველი საფრთხე, გენერალმა მარკ მილიმ განაცხადა:
“მე აშშ-ისთვის მთავარ საფრთხედ რუსეთს განვიხილავ. ეს არის ერთადერთი ქვეყანა, რომლისაც ამერიკის შეერთებული შტატების განადგურება შეუძლია. სხვა ქვეყნებსაც აქვთ ბირთვული იარაღი, ოღონდ იმდენი არა, რამდენიც რუსეთის ფედერაციას. რუსებს აქვთ შესაძლებლობაც და ბირთვული იარაღიც იმისთვის, რომ ეს გააკეთონ”.