ამერიკელი მეცნიერების აზრით, ბედნიერი ქორწინებისთვის ცოლ–ქმრის წლოვანებებს შორის იდეალური სხვაობა 1 წელია. ასეთ შემთხვევაში განქორწინების რისკი მხოლოდ 3%-ია.
მეცნიერები ამტკიცებენ, რომ, რაც მეტია მეუღლეების წლოვანებებს შორის სხვაობა, მით მეტია განქორწინების რისკი.
მაგალითად, განქორწინების რისკი იმ მეუღლეებში, რომელთა შორის სხვაობა 5 წელია 18%-ს შეადგენს, თუ სხვაობა 10 წელიწადია _ 39%-ს.
განქორწინების ყველაზე დიდი რისკი აქვს ცოლ-ქმარს, რომელთა შორის სხვაობა 20 წელია. მეცნიერების აზრით, ასეთ წყვილებს შორის ოჯახის დაკარგვის რისკი 95%-ია. ეს იმით აიხსნება, რომ წლოვანებაში დიდი განსხვავების მქონე მეუღლეებს განსხვავებული თვალსაზრისი უყალიბდებათ ცხოვრების ამა თუ იმ ასპექტზე და, ამასთანავე, ინტერესებიც, რაც ოჯახურ კონფლიქტებს იწვევს. შედეგად, მათი ურთიერთობა განქორწინებით სრულდება.