ამერიკელმა მეცნიერებმა დაადგინეს კავშირი სისხლის ჯგუფებსა და დაავადებებს შორის. აღმოჩნდა, რომ, ვისაც მეოთხე ჯგუფის სისხლი აქვს, დემენციისკენაა მიდრეკილი.
ვერმონის უნივერსიტეტის მეცნიერები სამი წლის განმავლობაში თვალყურს ადევნებდნენ დაახლოებით 30 ათასი ადამიანის ჯანმრთელობას, რომელთაგან 500-მდე პაციენტს ჭკუასუსტობა განუვითარდა. ყველა მათგანს მეოთხე ჯგუფის სისხლი აღმოაჩნდა.
იმ ადამიანებს, რომლებსაც პირველი ჯგუფის სისხლი ჰქონდათ, მახსოვრობის პრობლემა არ წარმოქმნიათ, ამასთანავე, ნაკლები იყო შანსი მათი გულ-სისხლძარღვთა დაავადებებით ავად გახდომის. მეოთხე ჯგუფის სისხლის მქონენი კი 82%-ით მიდრეკილნი აღმოჩნდნენ დემენციისკენ (დემენცია ტვინის ორგანული დაზიანების შედეგად განვითარებული პათოლოგიური მდგომარეობაა, რომელიც ინტელექტის, აზროვნების, მახსოვრობის, აღქმის უნარის, მეტყველებისა და სხვა შემეცნებითი ფუნქციების დარღვევით გამოიხატება), რადგან მათ სისხლში დიდია ცილის შემცველობა, რომელიც აჩქარებს სისხლის შედედებას. სისხლის მიმოქცევის დარღვევა კი პირდაპირ უკავშირდება გონებრივ აშლილობებს.